دێ ھێتە کوردستانێ
ئەڤرۆ:
ھونەرمەندا ناڤدارا عەرەب (باسکال مشعلانی) راگەھاند وێ بریارا دای بھێتە کوردستانێ چەند ئاھەنگان بگێرٍیت و دبیّژیت: ئەز یا ل ھیڤیا دەلیڤەکێ دا ژڤانەک بۆ بھێتە دەستنیشانکرن.
ناڤبریێ د ئینستیگرامێ خوە دا بەلاڤکریە کو وێ ل بەرە ل دووف داخازا حەزژێکەرێن دەنگێ خوە پشتی دەمەکێ دی بھێتە باژێرێ ھەولێرێ و د بەرنامێ وێ دایە چەند ئاھەنگان لێ بگێریت.
ھێشتا گۆت: ئەز دزانم من ل عیراقێ و کوردستانێ گەلەک جەماوەر یێ ھەی، چونکو بەردەوام ب رێێن جودا جودا ڤێ داخازێ ژ من دکەن، ھەلبەت ژی ئەو کەس ژ کورد و عەرەبانە، لەورا وەکو رێزگرتن بۆ داخازا وان من ل بەرە بھێمە ھەولێرێ چونکو ئەو جھەکێ ئارامە و ب ئانەھیا خودێ دێ حەزژێکەرێن دەنگێ من ل وێرێ من بینن.
ل دوور نووترین ئەلبۆما خوە ژی دبێژیت: ئەلبۆما منا نوو ژ نەە تراکان پێک دھێت، ژوانا دو ستران ب شێوەزارێ خەلیجی ھاتینە گۆتن، لێ جارێ ژڤانێ بەلاڤکرنا وێ ئەز نۆزانم، ژبەرکو دێ کۆمپانیەک ب وی کاری رابیت، لێ من ل بەرە ل پێش وەخت دو سترانان ژوێ ئەلبۆمێ کلیپبکەم.
