دەرمالەکێ نوو دێ بۆ فەرمانبەرێن داد ھێتە مەزاختن
ئه‌ڤرۆ:
حوکمەتا عیراقێ دەرمالەکێ نوو بۆ فەرمانبەرێن سەر ب وەزارەتا داد مەزاختیە، پەیڤدارێ وەزارەتا داد ل ھەرێمێ ژی دیارکر کو چاڤەڕێ دکەن فەرمانبەرێن ھەرێمێ ژی ژ ڤی دەرمالەی مفادار ببن.
پەیڤدارێ وەزارەتا داد نەریمان تالب بۆ رۆژناما ئەڤرۆ دیارکر کو ڤەکۆلەرێن دادی ژ دەرمالەکێ مفاداربووینە و ژ سالا بۆری وەرە بۆ دھێتە مەزاختن، بەلێ نوکە دەرمالەکێ دیتر ژ بەغدا بۆ فەرمانبەرێن وەزارەتا داد ھاتیە مەزاختن و ئەم چاڤەڕێ دکەین ھەرێما کوردستانێ ژی ڤەگریت، گۆت ژی فەرمانبەرێن مە ژ لایێ دەرمالە و مووچەی خوە ب مەغدور دزانن، چاڤەڕێ دکەن حوکمەت پتر گرنگیێ ب فەرمانبەرێن وەزارەتا داد بدەت.
نەریمان تالب گۆت ژی حوکمەتا عیراقێ بۆ فەرمانبەرێن خزمەتگوزاری ٢٠٠ ھزار دینار و بۆ فەرمانبەرێن دیتر ژی یێن سەر ب وەزارەتێ ٦٠ ھزار دینار مەزاختینە، لەوڕا ئەم دخوازین ئەڤ دەرمالە فەرمانبەر و کارمەندێن وەزارەتا داد یا ھەرێما کوردستانێ ژی ڤەگریت و وەکو بەغدا مفادار ببن، ژ بەر کو وەکو ئێک خزمەتێ دکەن و ھەمان کارێ فەرمانبەرێن بەغدا دکەن.
