دەرمانێ دژی قەلەویێ بوو ئەگەر ئەندامەکێ لەشێ خوە ژ دەست بدەت
خانمەکا بریتانی پێنج هەیڤا دەرمانێ دژەقەڵەویێ ب کاردئینیت، بەلێ تووشی چەندین نیشانێن مەترسیدار دبیت و ئەندامەکێ لەشێ خۆ ژ دەستددەت. جین فێنا، خانمەکا 39 سالی یا بریتانییە و ل هەیڤا شوباتا ئەڤسالە دا دەست ب کارئینانا دەرزییەکا دژەقەلەویێ کریە، ئەو دبێژیت، ژ ئەگەرێ رێکلامێن ئۆنڵاین زێدەتر حەزا ب کارئینانێ بۆ دەرمانی زێدەبوویە و هەر ب وێ رێکێ دەست کەفتیە. جین دبێژێت، پشتی پێنج هەیڤا ژ ب کارئینانا دەرمانی، کێشا من کێمبوو، ل دویڤ راوێژا نۆشداری رێژا دەرمانی من زێدەکرە، هەر ئەڤێژی وەکر مەترسییەکا جدی ل سەر ژیانا من پەیداببیت. ئەوێ خانمێ ژ نشکەکێڤە هەست ب چەند گۆڕانکارییەکان کریە وەکو ‘زکچوون، دلرابوون، تۆخبوونا رەنگێ میزێ و هشکبوونا لەشی’ هەتا وەلێ دەێت رۆژەکێ ژ ئەگەرێ زکئێشێ ژخەو رادبیت و ب لەز خۆ دگەهینیتە نەخۆشخانێ. پشتی پشکنینان، بۆ نۆشداران دەرکەفتیە کو بۆڕییا جگەرێ هاتیە گرتن و هەودان و بەرێن زراڤێ ژی تووشبووینە. نەهـ رۆژا ل نەخۆشخانێ هاتە نڤاندن و پاش نۆشداران گۆتبوویێ، دڤێت نشتەرگەرییا راکرنا زراڤی بۆ بکەن، چونکو نەمایە و گەلەک ب کارئینانا ئەوان دەرمانێن دژەقەڵەویێ ئەگەرێ سەرەکیێ ئەڤێ بوویە. جین بەحس دکەت، پشتی ب کارئینانا دەرمانی ‘پرچا وێ وەریا و زەرک بۆ پەیدابوو، ل دووماهیێ گۆتی، ‘’جارەکا دی چ تشتەکێ کێمکرنا کێشێ ب کارنائینم و دێ دەست ب وەرزشێ و خوارنا ساخلەم، فێڤی و زەرزەواتی کەم’’.
