دەرهێنەر دشێت داهێنانێن مەزن بكەت
بێوار حەمدی:
دەرهێنەر(بژار نزار) كو نوكە ل رادیۆیا دهۆك كاردكەت، د دیدارەكێ دا بۆ رۆژنامەیا ئەڤرۆ گۆت: د دیدارەكێ دا بۆ رۆژنامەیا ئەڤرۆ گۆت: ئەز نەشێم بێژم كو كارێ دەرهێنەریێ یێ ب ساناهی یە، رەنگە دەرهێنانا رادیۆ و تەلەفزیۆنێ یا جودا بیت، بەلێ دەرهێنەرێ رادیۆیێ پتر داكۆكیێ ل سەر دەنگی دكەت و دشێت داهێنانێن مەزن بكەت، لەورا ئەو كەسێ ب كارێ دەرهێنەریێ رادبیت پێدڤیە هەردەم نوویاتی و گوهۆڕینان بكەت، چنكو نوكە سۆشیال مەدیا ژی یا هەی و دشێت هەر تشتەكی یان روودانەكێ ب دەنگ و رەنگڤە ڤەگوهێزیت،
هەروەسا گۆت: ئانكو پشتی سۆشیال مەدیا هاتی چو جوداهیا وەسا نەهێلایە دناڤبەرا دەرهێنانا رادیۆیێ و یا تەلەفزیۆنێ دا، بەلكو هەردویان ئێك ئــــــــارمانج هەیە، هەروەسا ئەز ل گەل هندێ مە كو دەرهێنەر جهێ خوە یێ كاری ب گوهۆڕیت و ل رادیۆیێ ئەز گەلەكێ ئارامم و هەموو كارمەند ل گەل من دهاریكارن.
