دەرکەفتنا رۆژێن سەرما یا ب مفایە
ئەڤرۆ نیوز:
دەرکەفتنا رۆژێن سەرما بزەحمەترین بریارە بۆ ھندەک مرۆڤان کو بچنە کاری یان خواندنگەھێ، عادل ئەلعانی، شیرەتکارێ نەخۆشیێن بەرھنگاریێ دبێژیت: دەرکەفتنا رۆژێن سەرما گەلەک مفا ھەنتە و گەلەک کەس وان مفایان نزانن.
ئەلعانی دوپات کر؛ ئەو کەسێن سپێدەھیێن زڤستانێ دچنە سەر کاری یان خواندنگەە و زانکۆیان، ساخلەمیا وان باشترە، ژبەرکو دەرکەفتنا ل سپێدەھیان و ھلکێشانا بایێ تەزی، کارتێکرنێن ئەرێنی ل سەر کوئەندامێ ھەناسێ دکەت، ھەروەسا نەخۆشیێن زڤستانێ نە ژ سەرمایێ چێدبن، بەلکو ژ ڤایرۆس و بەکتریا چێدبن.
ھەروەسا دەرکەفتنا ل بەر سەرمایێ وزەکا ئەرێنی ددەتە مرۆڤی و ھورمۆنێ دلخۆشیێ ل نک مرۆڤی زێدە دکەت، بایێ سپێدەھیان خەمۆکیا زڤستانێ ژی ناھێلیت.