دەرگەهێ ڕوژهەلاتێ دهۆكێ بەر ب سیمایەكێ جوانتر
د بەردەوامیا پڕۆژەیێن خزمەتگوزاری دا، ئەوێن ژ لایێ حوكمەتا هەرێما كوردستانێ ڤە دهێنە بجهئینان، دەمەكە كار ل سەر پڕۆژەیێ پاركا سەرهلدان، كە ل جهێ پشەسازیا بەڕۆشكێ ل رۆژهەلاتێ دهۆكێ دهێتە بجهئینان، دهێتەكرن و كاركرن ل سەر پڕۆژەی یێ بەردەوامە.
ئەڤ پڕۆژەیە ئێكە ژ بەرنامێن حوكمەتا هەرێما كوردستانێ و گرنگیدانا حوكمەتێ یە ب چێكرنا پاركێن گشتی و پێشڤەبرنا كەرتێ گەشتیاری، پاركا سەرهلدان باغچەیان و یاریان و جهێن بێنڤەدانێ و كافێیان و كەنالێن ئاڤێ و فریزە و داروباران و چەندین جوانیان ب خوڤە دگریت.
پڕۆژەیێ پاركا سەرهلدان، ئێك ژ پڕۆژەیێن مەزنە و ماوێ پڕۆژەی دو سالن، دیسا د ئەڤی پاركێ دا چەندین دەلیڤەیێن كاری بۆ وەلاتیان دێ پەیدا بن و رێژا كەسكاتیێ ژی د ناڤ پارێزگەهێ دا دێ بلند كەت.
