دەرگەھێ گرێبەستێن چاندنێ بۆ جوتیاران دھێتە ڤەکرن
ئەڤرۆ:
رێڤەبەرێ گشتی یێ چاندنێ ل پارێزکەھا دھۆکێ و سەرۆکێ لیژنەیا زێدەگاڤیێن ئەردێن چاندنێ،د.لەزگین حەجی عەساف بو ئەڤرۆ دیارکر ھەر ئەردەکێ ژلایێ وەلاتیان ڤە ھات بیتە پەرژینکرن بێ چ ھبەلگە، ئەڤە ئەو ب زێدەگاڤی دھێتە دانان و نھا رێک ل زێدەبونا ئەڤێ دیاردەیێ ھاتیە گرتن ئەوێن ھاتینە سیمەکرن ژی دڤێت بھێنە راکرن و ئەگەر نە دێ توشی لێپێچینێن یاسایی بن و بۆ ئەڤ سالە کو ٢٠١٥ و ٢٧٣ کەیس مە بو دادگەھێ رەوانەکرن.
سەرۆکێ لیژنەیا زێدەگاڤیێن ئەردێن چاندنێ ئەو چەندەژی گوت:پشتی ل گەل پارێزگارێ دھۆکێ و دانانا لیژنەیا زێدەگاڤیێن ل سەر ئەردێ چاندنێ ل پارێزگەھێ و چاڤدێریا ھەمو ئەوان ئەردێن چاندنێ دکەت ئەوێ زێدەگاڤی ل سەر ھاتینە کرن پشتی دوڤچونێ دێ دەینە دادگەھێ .
د.لەزگین حەجی ئەو چەندە ژی دیارکر لیژنەیا مە ب سێ کارێن گرنگ را دبیت ئێک چێکرنا خانیێن دناڤ ئەردێن چاندنێ و گرێبەستێن ئەردێن چاندنێ بو جوتیاران ھێتەکرن و بەرفرەھکرنا نوخیبێن گوندان و ئەڤە ب ئەرکێ سەرەکیێ لێژنەیێ دھێتە دانان .
دەربارێ چێکرنا ئاڤاھیان د.لەزگین گوت:چێکرنان خانیان دناڤ بیستانان دا لگوری ئەوان رێنمایێن مە دەست نیشانکرین و بو وەزارەتێ ھنارتین ھەردەما رەزامەندی ل سەر ھاتە دان دێ کەڤیتە بیاڤێ بجھکرنێ دا و ھەروەسا گرێدانا گرێبەستێن ئەردێن چاندنێ و بەرفرەھکرنا توخیبێن گوندان و کەسێ گرێبەست ھەبیت یان ملکێ سرف بیت و بو دونەمەک و نیڤا دشێت ئاڤاھیەکێ ٢٠٠ مەتری ئاڤا بکەت و کێمتر نابیت و زێدەتر لگوری ئەردی دشێت مەزن چێ کەت ئەو ئەردێن کەڤر یان یێن مالیێ نابیت خانی لێ بھێنە ئاڤاکرن و حکومەت نە یا ملزەمە بۆ برنا ئاڤ و کارەبێ و رێکێ.
سەرۆکێ لیژنەیێ دازانین دەرگەھێ گرێبەستێن ئەردێن چاندنێ ھێتەڤەکرن بو ئەوان کەسێن خودان ئەرد و ل گەل تایبەتیمەندیا باژێرێ دھۆکێ و دڤێت رێڤەبەراتیا شونواران و باژێرڤانیێ و رێک پرا و رێڤەبەراتیێن پەیوەندیدار ب ئەڤێ پرسێ دا رەزامەند بن ھەتا گرێبەست بو بھێتە درۆستکرن.
