دەزگەهێ خێرخوازیێ بارزانی هەژمارەكا پێدڤیێن نۆشداری رادەستی ساخلەمیا دهۆكێ كرن
دهوك، لەزگین جۆقی:
رێڤەبەریا گشتیا ساخلەمیا پارێزگەها دهۆكێ راگەهاند، دەزگەهێ خێرخوازیێ بارزانی ب هەڤكاریا رێكخراوا كارێن پیرۆز، هەژمارەكا كەلوپەلێن نۆداری رادەستی ساخلەمیا دهۆكێ كرن.
د. رەعەد عەبدولرەحمان، نوونەرێ رێڤەبەریا گشتیا ساخلەمیا پارێزگەها دهۆكێ بۆ ئەڤرۆ گۆت: «دەزگەهێ خێرخوازیێ بارزانی، چەندین ئامیرێن نەشتەرگەریان ل گەل كەلوپەلێن نۆشداری رادەستی ساخلەمیا پارێزگەها دهۆكێ كرن و ئەڤ كەلوپەل و پێدڤێن نۆشداری بۆ كەمپا دومیز یا پەنابەران دێ هێنە تەرخانكرن».
گۆتژی: «دەزگەهێ خێرخوازیێ بارزانی بەردەوام هەڤكاری و پشتەڤانیا ساخلەمیێ دكەت، ب تایبەت د بیاڤێ دابینكرنا پێدڤێن نۆشداری دا بۆ ئاوارە و پەنابەران ل دهۆكێ».
