دەزگەهێ خێرخوازی یێ بارزانی هاریكاری ل سەر خێزانێن كێم-دەرامەت بەلاڤكرن
ئامێدیێ، مەحمود نهێلی:
دەزگەهێ خێزخوازی یێ بارزانی هاریكاریێن ماددی و ئاهێن خوارنێ و جەژنانە ل سەر هەژمارەكا خێزانێن كێم دەرامەت ل سنۆرێ دەڤەردارییا ئامێدیێ بەلاڤكرن.
شەڤگەر چێی نوونەرێ دەزگەهێ خێرخوازی یێ بارزانی ل ئامێدیێ بۆ رۆژناما ئەڤرۆ دیار كر، نوونەرایەتیا ئامیدیێ یا دەزگەهێ خێرخوازیێ بارزانی، ل سنۆرێ دەڤەردارییا ئامێدیێ هاریكاریێن ماددی یێن جەژنانە ل سەر هەژمارەكا خێزانێن كێم دەرامەت بەلاڤكرن.
ناڤهاتی ئاشكرا ژی كر، بەری جەژنێ ژی هاریكاری ل سەر هەژمارەكا دی یا خێزانێن كێم دەرامەت هەر ل دەڤەرا ئامێدیێ هاتبوونە بەلاڤكرن و گۆت: «ئەم دێ بەردەوام هاریكاریا خەلكێ دەڤەرێ كەین، هەتا هاریكاریێن مە دگەهنە هەموو دەستكۆرتێن سنۆرێ دەڤەردارییا ئامێدیێ».
