دەزگەهێ روانگە دەرمان و پێدڤیێن نۆشداری پێشكێشی ساخلەمیا دهۆكێ كرن
لەزگین جۆقی:
ب ئامادەبوونا د. ئەفراسیاب موسا، رێڤەبەرێ گشتی یێ ساخلەمیا پارێزگەها دهۆكێ و بارزان نەزهەت حالی، جێگرێ رێڤەبەرێ دەزگەهێ روانگە، دوهی 23/12/2025 ل سەنتەرێ ژین یێ تایبەتمەند ب نەخوشیێن خوینێ و پەنجەشێرا زارۆكان، دەزگەهێ روانگە ب گوژمێ 450 ملیۆن دیناران دەرمان و پێدڤیێن نۆشداری پێشكێشی ساخلەمیا دهۆكێ كرن.
د. ئەفراسیاب موسا، رێڤەبەرێ گشتیێ ساخلەمیا پارێزگەها دهۆكێ بۆ ئەڤرۆ گۆت: «ئەڤ دەرمانە تایبەتن ب نەخوشیێن تەلاسیمیایێ و تووشبوویێن پەنجەشێرا زارۆكا، پشكەك ژ دەرمان و پێدڤیان ژبۆ سەنتەرێ ژین هاتنە دان و یێن دی بو بنگەهێ قەدشێ یێ ساخلەمیێ و كەرتێ ساخلەمیێ ل ئامێدیێ هاتنە هنارتن».
گۆتژی: «سوپاسیا دەزگەهێ روانگە و ئیدریس نێچیرڤان بارزانی، سەرۆكێ دەزگەهی دكەین، ژبۆ ڤێ هاریكاریا ژ هەژی و هیڤدارین د هاریكاریا كەرتێ ساخلەمیێ دا بەردەوام بن».
