دەزگەهێ روانگە پڕۆژەیێ شیانسازیا نفشێ بهێت بۆ 600 لاوان راگـەهاند
ب ئامادەبوونا ماجد سەید سالح، نوونەرێ پارێزگارێ دهۆكێ و رێڤەبەرێ گشتی یێ لاوان و نوونەرێ رێكخراوا یونسێف و چەندین بەرپرسێن حزبی و ئیداری و كۆمەكا گەنج و لاوان، دوهی 9/7/2025 ل هولا ناڤەندا قوتابییان ل زانكۆیا دهۆكێ، پڕۆژەیێ شیانسازیا نفشێ داهاتی یێ دەزگەهێ روانگە بۆ 600 گەنج و لاوێن دەڤەرداریێن دهۆكێ و سێمێلێ و شێخانێ هاتە راگەهاندن.
د رێورەسمێن راگەهاندنا پڕۆژەی دا، چەندین پەیڤ هاتنە خواندن و گرنگیا پڕۆژەی بۆ دیتنا دەلیڤەیێن كاری بۆ گەنج و لاوان هاتنە بەرچاڤكرن و دەستخوشی ل رێكخەرێن پڕۆژەی و رێكخراوا یونسێف هاتە كرن، بۆ وێ پشتەڤانیا ل پڕۆژەی كری و داخوازا سەركەفتنێ بۆ پشكدارێن پڕۆژەی كر.
هەژی گوتنێ یە پڕۆژە ژ لایێ دەزگەهێ روانگە و ب هاریكاریا رێكخراوا یونسێف و ب پشكداریا رێڤەبەریا لاوان دێ هێتە ئەنجامدان.
پڕۆژە ب رێكا هەژمارەكا پروگرامێن دیجیتالی و خول و راهێنانێن بەردەوام دێ دەلیڤەیێن كاری بۆ 600 گەنج و لاوان ل دەڤەرداریێن دهۆكێ و سێمێلێ و شێخانێ پەیداكەت و بۆ دەمێ نەه مەهان دێ یێ بەردەوام بیت.
