دەزگەهەكێ تایبەت بۆ بەرهنگاربوونا ماددەیێن هۆشبەر ل زاخۆ دێ هێتە ڤەكرن
هەولێر، قائید میرۆ:
سەرۆكێ زانكۆیا زاخۆ دیاركر، پشتی ب رێڤەچوونا كۆنفرانسێ تایبەت ب بەرهنگاربوونا ماددەیێن هۆشبەر، ئەو بزاڤان دكەن دەزگەهەكێ تایبەت و ئەكادیمی بۆ بەرهنگاربوونا ماددەیێن هۆشبەر ل ئیدارەیا سەربخۆیا زاخۆ بهێتە ڤەكرن.
د. دیار هالۆ، سەرۆكێ زانكۆیا زاخۆ بۆ رۆژناما ئەڤرۆ دیاركر، بڕیارە مەها گولانا ئەڤ سالە كۆنفرانسەكێ زانستی بۆ بەرهنگاربوونا ماددەیێن هۆشبەر ب پشكداریا بسپۆرێن چەندین وەلاتان ل زاخۆ بهێتە ئەنجامدان.
د. دیار هالۆ گۆت: «ئەنجامێن كۆنفرانسی پێشكێشی لایەنێن پەیوەندیدار دێ هێنە كرن، ئەم پشتڕاستین دێ مفایەكێ زۆر هەبیت، دیسا دێ بزاڤان كەین دەزگەهەكێ تایبەت یان ناڤەندەك یا ئەكادیمی بۆ بەرهنگاربوونا ماددەیێن هۆشبەر ل زاخۆ بهێتە ڤەكرن».
