دەستكەفتێن جیهانی ب دەستڤە ئیناینە
بێوار حەمدی:
شێوەكار و دیزاینەر(هارون محەمەد) كو ئاكنجیێ پارێزگەها دهۆكێ یە و دەرچۆیێ پەیمانگەها هونەرێن جوانە، د دیدارەكێ دا بۆ رۆژنامەیا ئەڤرۆ دیاركركو پتریا كارێن وی یێن هونەری دهێنە دروستكرن ب شێوازێ دیجیتالی و ئێكە ژ دامەزرێنەرێن كەڤر ئینتەرتەیمێنت كو ستۆدیۆیەكا كوردی یا سەربەخوەیە بۆ پێشخستنا یاریێن ئەلكترونی.
هەروەسا گۆت: ب رێیا ڤێ ستۆدیۆیێ دگەل هەڤالێن خوە شیاینە رەنگڤەدانەكا كوردی بكەین و دەستكەفتێن جیهانی ب دەستڤە بینین، بۆ زانین بەری پتر ژ هەشت سالان وەك هونەرمەند و دیزاینەر من كاركریە د پیشەسازیا پێشڤەبرنا یاریێن ئەلكترۆنی یێن (ڤیدیۆ گێمان) یێن جیهانی و من پەرتووكەك ب ناڤێ ( بۆنەوەرێن ئاشۆپی یێن میزۆپوتامیا) هەیە، كو ژ كۆمەكا بۆنەوەرێن ئاشۆپی و فولكلۆرێ میزۆپوتامیا پێك دهێت.
