دەستوورێ ئەڤینێ
هەرهین محەمەد
بلا چاڤێن من و تە
وەکو دجلە و فوراتێ
د ناڤ دەشتێن دلێ ئێکدا ببنە ئێک
دا خەریتەیا عەشقێ
بەری سنوورێن ڤی وەلاتی
د ناڤبەرا سێدارە و سێبەرا تە دا
نەخشە بکەین.
تو ببە پایتەخت و ئەز دێ بمە پێشمەرگە
هەمی بێوارێن ئەڤێ جیهانێ
دێ کەنە ئاکنجیێن ناڤ دلێ مە
قانوونەکێ بوو نەمانا خەریبیێ و
قانوونەکێ بوو بێهنا ستۆیێ تە
دێ ئیمزا کەین
ئەرێ ما تو ژی
وەکو پێدڤیبوونا زەڤییێ بۆ بارانێ
بۆ بێهنا سینگێ من
خەریب نەبووی؟
