دەست ب بەلاڤكرنا تۆڤێ گەنمی ل سەر جۆتیاران هاتە كرن
دهۆك، دلۆڤان ئاكرەیی:
بەرپرسێ وەبەرهێنان و بەلاڤكرنا تۆڤی ل وەزارەتا چاندن و ژێدەرێن ئاڤێ دیاركر، بۆ پتر پشتەڤانیكرنا جۆتیاران، نێزیكی چار هزار تەنێن تۆڤێ گەنمی ژ جۆتیارێن هەرێمێ وەرگرتینە و ب بهایێ حكومی ل سەر جۆتیار دهێتە بەلاڤكرن.
پشتیوان حەمە عەلی، بەرپرسێ وەبەرهێنان و بەلاڤكرنا تۆڤی ل وەزارەتا چاندن و ژێدەرێن ئاڤێ بۆ رۆژنامەیا ئەڤرۆ گۆت: «بەری وەرگرتنا تۆڤان، پشكنینێن هوور بۆ زەڤیێن جۆتیاران هاتینە كرن، ئەڤ پشكنینە ب مەرەما دەستنیشانكرنا باشترین تۆڤە ل زەڤییان، ئەو زەڤیێن د پشكنینان دا سەركەفتین، تۆڤێن وان ژێ هاتینە وەرگرتن و باوەرنامەیێن تایبەت پێ هاتینە دان، هەروەسا بەرهەمێن وان ب بهایەكێ پشتەڤانیكری هاتینە كڕین».
گۆتژی: «نێزیكی چار هزار تەنێن تۆڤێ گەنمی ژ جۆتیاران هاتینە وەرگرتن و ل دووڤ خشتەیەكێ دیاركری ل سەر جۆتیاران دێ هێنە بەلاڤكرن».
