دەست ب سەر یانەکا مەی ڤەخوارنێ دا ھاتە گرتن
ئه‌ڤرۆ نيوز:
بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ ئاشکرا کر کو مەفرەزێن پۆلیسێن نەھێلانا گۆنەھباریان ل پارێزگەھا دھۆکێ دەست ب سەر یانەکا مەی ڤەخوارنێ دا گرت و خودانێ وێ ل سەر بەندێ 240 ژ قانوونێن سزایێن عیراقی ھاتە دەستەسەرکرن.
رائید ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ رۆژناما ئەڤرۆ دیار کر کو پۆلیسێن نەھێلانا گۆنەھباریان ل پارێزگەھا دھۆکێ شیان دەست ب سەر یانەکا مەی ڤەخوارنێ دا بگرن و گۆت: “خودانێ ل دووڤ بڕیارا دادوەرێ ڤەکۆلینێ ھاتە دەستەسەرکرن و ل دووڤ بەندێ 240 ژ قانوونێن سزایێن عیراقی دێ دادگەە پێرابوونان ھەمبەر وەرگریت، چونکی ڤەکرنا یانێن مەی ڤەخوارنێ د ھەیڤا رەمەزانا پیرۆز دا قەدەغە یە”.
ناڤھاتی ئاماژە دا وێ چەندێ کو ل دووڤ رێنمایێن گارگێریا پارێزگەھا دھۆکێ یانەیێن مەی ڤەخوارنێ د ھەیڤا رەمەزانا پیرۆز دا ناھێنە ڤەکرن داکو رێزگرتن ل ھەیڤا ناڤھاتی بھێتە گرتن.
