دەست ب وەرگرتنا قوتابیێن دەرەکی هاتە کرن
ئەڤرۆ نیوز،عەلی حاجی :
پشتی دەواما فەرمی یا خواندنێ بۆ سالا ٢٠١٩-٢٠٢٠ هاتیە کرن،ل سنورێ پەروەردا زاخۆ دەست ب وەرگرتنا قوتابیێن خواندنا دەرەکی بۆ پولێن چارێ سەرەتایی هەتا ١١ ئامادەیی هاتە کرن.
مەهدی سالح ژ راگەهاندنا رێڤەبەریا پەروەردا زاخۆ بۆ ئەڤرۆ نیوز دیارکر ئەڤرۆ ل روژا ئێک شەمبێ دەست ب وەرگرتنا قوتابیێن قوناغا چار سەرەتایی هەتا ١١ ئامادەیی بۆ خواندنا ئێڤاران ل سنورێ رێڤەبەریا مە هاتەکرن و وەرگرتنا فورمێن ڤان قوتابیان دێ هەر ژ د رێکەڤتی ١١/١٠/٢٠١٩ هەتا ٣٠/١٠/٢٠١٩ بیت و بریارە ل رێکەڤتی ١/١١/٢٠١٩ دەست ب وەرگرتنا قوتابیێن دەرەکی بۆ پولا دوازدێ بهێتە کرن، بریارە بۆ قوناغێن چارێ سەرەتایی هەتا ١١ ئامادەیی ل سنورێ باژێرێ زاخۆ قوتابی ئەزمونێن خوەیێن دەربازبونێ ئەنجام بدەن بەلێ بۆ پولا دوازدێ بریارە ل باژێر دهوکێ ئەزمونێن خوەیێن دەربازبونێ ئەنجام بدەن،وان قوتابیان ماف هەیە بۆ پولێن نەدوماهی فورما خواندنا پێشکیش بکەت یێ کو دوو سالا دەرنەچوو بیت ین ژی ژیێ وی مەزن بیت.
و گوت ژی : بۆ ئەڤ سالە ئەو قوتابی پشکداریێ ل ئەزمونێن دەربازبونێ دا ناکەت ئەوێن ب ئێک هەتا دوو ماددەیان دەرنەچوو بیت یان ژی د سالا ئێکێ یا ویزاری دا ل ئەزمونێن دەرباز بونێ خلاس کر بیت و ئەڤ سالە فێ ئێکسەر پشکداریێ دئەزمونێن دوماهیێ دا کەت و پشکداری ئەزمونێن دەرباز بونێ دا ناکەت .