دەست ب چێكرنا هەژمارەكا پڕۆژەیێن كارەبێ ل شێلادزێ هاتـە كـرن
ئامێدیێ، مەحمود نهێلی:
ژ بۆ پتر گرنگیدان ب پڕۆژەیێن خزمەتگوزاری و گەهاندنا پڕۆژەیان بۆ دەڤەرێ، ب تایبەتی د وارێ كارەبێ و رۆناهیكرنا گوندان دا، دەست بجهئینانا هەژمارەكا پڕۆژەیێن كارەبێ ل سنوورێ ناوچەدارییا شێلادزێ هاتە كرن.
ئەندازیار ئارام جلال سەعید، رێڤەبەرێ بەلاڤكرنا كارەبا دەڤەردارییا ئامێدیێ بۆ رۆژناما ئەڤرۆ دیار كر، ل سەر دەمێ كابینەیا نەهێ یا حكومەتا هەرێما كوردستانێ گرنگیەكا زۆر ب كەرتێ كارەبێ دایە، ب تایبەتی ژی گەهاندنا كارەبێ بۆ گوندان و جهێن دوور و رۆهنكرنا جاددەیێن سەرەكێ و گۆت: «دەست بجهئینانا پڕۆژەیێن بارسڤككرنا چەندین گهۆركان و گەهاندنا هێلا كارەبی بۆ نەخۆشخانا شێلادزێ و رۆناهیكرنێ ل سنوورێ ناوچەدارییا شێلادزێ هاتیە كرن».
گۆتژی: «ئەڤ پڕۆژە ل سەر بودجا پارێزگەها دهۆكێ ب گوژمێ 165 ملیۆن دیناران دهێتە بجهئینان و دێ د دەمێ خوە یێ دیار كری دا ب داوی و هێن و كەڤنە د خزمەتا خەلكێ وێ ناوچەیێ دا».
