دەست ب چێكرنا یاریگەها یانەیا شێلادزێ هاتە كرن
ئامێدیێ، مەحمود نهێلی:
پشتی رازیبوون ل سەر هاتیە كرن دەست ب چێكرنا یاریگەها یانا شێلادزێ یا وەرزشی هاتە كرن و دێ د دەمێ خوە یێ دیار كری دا ب داوی هێت.
وارشین سەلمان، دەڤەردارێ ئامێدیێ دیار كر، ژ بۆ پتر گرنگیدان ب كەرتێ وەرزشی و وەرزشڤانان، رازیبوون ل سەر چێكرنا یاریگەهەكێ بۆ یانا شێلادزێ هاتیە كرن و گۆت: «ئەڤە هەیامەكە دەست ب چێكرنا وێ یاریگەهێ هاتیە كرن و كار تێدا بەردەوامە، گوژمێ پتری ملیار دیناران بۆ هاتینە تەرخانكرن و دێ د دەمێ خوە یێ دیار كری دا ب داوی هێت».
ناڤهاتی ئاشكرا ژی كر، ئەڤ یاریگەهە دێ ل سەر ستاندەردەكێ باش هێتە چێكرن و مودەرج دێ تێدا هێنە چێكرن و یاریگەكا تمامە ژ هەموو لایەكێ ڤە و گۆت: «ب تمامبوونا ڤێ یاریگەهێ دێ خزمەتەكا باش یا وەرزشڤانێن دەڤەرێ هێتە كرن، ب تایبەتی ژی یانا شێلادزێ یا وەرزشی».
