دەشتا ناڤكوڕێ ل بەردەڕەش ئێكەم دەڤەرە بۆ چاندنا پتاتا ل كوردستانێ و ئیراقێ
رەمەزان زەكەریا
دەشتا ناڤكۆرێ ب كاكلكا چاندنا بەرهەمێ پتاتا ل هەرێما كوردستانێ دهێتە دانان، ژبەركو هەم ئاخەكا ب پیت هەیە و هەم ژی جوتیارێن ڤێ دەڤەرێ شارەزاییەكا باش د چاندن و بەرهەمئینانا ڤی بەرهەمی دا هەیە.
فەتحی محەمەد كرێكارەكێ دەشتا ناف كۆرێیە بۆ ئەڤرۆ گۆت: بەرهەمێ پتاتا ل دو وەرزان دهێنە چاندن ژ وان وەرزێ بهاری و وەرزێ پاییزی نوكە دەما هەلقاندنا پتاتێن وەرزێ پاییزێ یە، ل سالا دەربازبوویی ل هەرێما كوردستانێ ٦٠،٤٦٢ دونەمێن ئەردی بۆ چاندنا پتاتا هاتبوونە تەرخانكرن و ٥٤٥،٦٥٨ تەنێن پتاتا لێ بەرهەم هاتبوون، ئەڤ سالە دهێتە پێشبینیكرن رێژا چاندن و بەرهەم ئینانێ زێدەتر بیت ژ سالێن بۆری.
مەروان حەمۆ سەرپەرشتێ كرێكاران ل دەشتا ناف كۆرێ بۆ ئەڤرۆ گۆت: راستە چو كار ب ساناهی نینن، ئەم تێین رسقەكێ حەلال ب دەستخوڤە د ئینین و ئەم رزقەكێ دبەینە ناڤ زارۆیێن خۆدا و مە هیچ ئاریشەك نینە.
تەحسین سلێمان رێڤەبەرێ چاندنا بەردەرەش بۆ ئەڤرۆ گۆت: بەردەڕەش بۆ چاندنا پتاتا ل سەر ئاستێ ئیراقێ ئێكەمە، ئەو ژی بۆ پشتەڤانیا كابینا نەهێ یا حكومەتا هەرێما كوردستانێ دزڤریت كو گرنگیەكا تایبەت ب كارێ چاندنێ دایە و تایبەت ژی پتات، ژبەر كو ل دەرڤە بازارەكێ باش بۆ پەیدا كریە كو ب هەما هەنگی دگەل كەرتێ تایبەت وەكریە كو رێژا چاندنێ سالانە زێدە ببیت.
