دەفێ تایبەتمەندیا خوە د ناڤ ئێزدیان دا هەیە
دلڤین رەشید:
قوال خدر حەمۆ، د دیدارەكێ دا بۆ رۆژناما ئەڤرو دیاركر كو ئەو خەلكێ دەڤەرا بەعشیقەیە، ئەڤ بۆ ماوێ چەندین سالانە ب كارێ چێكرنا ئامیرێ دەفێ رادبیت، چونكی ئەڤی ئامیری تایبەتمەندیا خوە دناڤ ئولا ئێزدیان دا هەیە، ل دەمێ جەژن و هەلكەفتان دهێتە ژەنین و ئەڤ ئامیرە ژ پارچەیێن دار و هندەك ئاسنی دهێتە چێكرن.
ناڤهاتی گۆت: هەر ل سەر دەمێ بەرێ دا پرانیا ئەو ئالاڤێن ژبۆ ژیانا رۆژنە دهاتنە ب كارئینان ب دەستێ مللەتێ كورد ب خوە دهاتنە چێكرن و ژبۆ ژیانا رۆژنانە دهاتنە ب كارئینان، مینا (لاندك و مۆخل و بێژنك و … هتد، هەر هوسا ئامیرەێن مۆزیكی وەك (بلول و دەف) ژی ئیك ژوان ئامیرەیان بۆ هەتا نوكە ژی تایبەتمەندیا وێ دناڤ جڤاكێ كوردی ب گشتی و یێ ئێزدیان ب تایبەتی دا مایە و گرنگی پێ دهێتە دان و ب دەستێ كەسانێن شارەزا دهێتە چێكرن
