دەف پتر ل گەل سترانێن فۆلكلۆری دگونجیت
بێوارحەمدی:
مۆزیكژەن (حەنین خەیری) د دیدارەكێ دا بۆ رۆژنامەیا ئەڤرۆ گۆت: ئەڤە بۆ دەمێ حەفت سالانە ئەز ئامیرێ دەفێ دژەنم، ئەز گەلەك حەزژ مۆزیكێ دكەم ب تایبەت ژی (دەفێ) چنكو ژەنینا وێ من ئارام دكەت.
هەروەسا گۆت: من زەحمەت بڤی ئامیرەی ڤە نەدیتیە و ژەنینا وێ بۆ من گەلەكا ب ساناهی یە، لەورا گەلەك حەزژێ دكەم، بۆ زانین ئەڤ ئامیرە گەلەكێ بناڤودەنگە و پتر ل گەل سترانێن فۆلكلۆری د گونجیت، لەورا هیڤیا من ئەوە ل پاشەرۆژێ ئەز ببمە دەفژەنەكا بەرنیاس و هەتا نوكە من پشكداری د هژمارەكا ئاهەنگ و فەستیڤالان دا كریە، هەروەسا من باوەرنامەیەك ب مۆزیكێ ل مووسل وەرگرتیە.
