دەلیل شبلی: یارییا تایكواندۆیێ هێزەكا دی ددەتە لەشێ مرۆڤی
هەرهین محەمەد:
دداخویانیەكێ دا دەلیل شبلی زیاب، یاریزانێ تایكواندۆیێ بۆ ئەڤرۆ گۆت: بەری چەند حەفتیان من پشكداری دقارەمانیەكا ئیراقێ دا كربوو ئەوا نەهـ باشترین یانەیێن ئیراقێ تێدا پشكداربوون یانەیا زاخۆ شیا پلەیا شەشێ ب دەستخوەڤە بینت و سێ یاریان پشكداربووم شیام پلەیا ئێكێ ب دەستخوە ڤەبینم، نوكە دگەل یانەیا زاخۆ بەرهەڤییان بۆ پشكداریێ د قارەمانیەكا دی یا ئیراقێ دا دكەین.
زێدەترگۆتژی: دژیەكێ گەلەك بچووك دا من دەست ڤێ یاریێ كریە و رۆژانە دچوومە ئەكادیمیێ، پشتی مەزن بوویم چوومە یانەیا زاخۆ نوكە یاریزانێ وێ مە، راستە تایكواندۆ یاریەكا جەنگی یە لێ گەلەك یا خوەشە و ئەو كەسێ ڤێ وەرزشێ بكەت پێدڤی ناكەت چوو وەرزشێن دی بكەت، چونكو هەموو ماسولكێن وی دلڤلڤن و گرنگە هەر گەنجەكێ هەبیت یارییا تایكواندۆیێ بكەت و بزانیت چونكو ئەو وەرزش هێزەكا دی ددەتە مرۆڤی، لێ خوزی وەكو یاریا فوتبۆلێ و باسكێت بولێ گرنگی ب یاریا مە ژی هاتبا دان ژبەركو وەكو یاریێن دی پشكداری قارەمانیان دبیت و پلەیێن باش ب دەستخوەڤە دئینت.
