دەلیڤەیێن كاری بۆ پتر ژ 500 كەسان دێ هێنە دابینكرن
ب سەرپەرشتیا د. عەلی تەتەر، پارێزگارێ دهۆكێ دوهی 19/6/2023 لژنا گەشەپێدان و پشتگریكرنا پیشەسازی و وەبەرهێنانێ ب بەرهەڤبوونا رێڤەبەریێن پەیوەندیدار و سەرۆكێ ژوورا بازرگانی و پیشەسازی و سەرۆكێ ئێكەتیا وەبەرهێنانێ ل پارێزگەها دهۆكێ كۆمبوو، تێدا ئەرد بۆ نەه كارگەهان تەرخانكر و ب رێیا وان دەلیڤێن كاری بۆ پتر ژ 500 كەسان دێ هێنە دابینكرن.
د كۆمبوونێ دا دانوستاندن ل دۆر پڕۆژەیێن هاتینە پێشنیاركرن هاتەكرن و رازیبوون ل سەر هاتە كرن و ئەرد بۆ نەه كارگەهێن پیشەسازی و وەبەرهێنانێ د بیاڤێن (بۆڕیێن چاندنێ، بەرهەمئینانا هەمی جۆرێن خوارنێ، بەرهەمئینانا كەلوپەلێن پیشەسازی، بەرهەمئینانا نایلۆنی، كەرەستێن پاقژكرنێ، بەرهەمئینانا كارتۆنی، بەرهەمئینانا پلاستیكی، كارگەها بەرهەمئینانا گێچێ و كارگەها بەرهەمئینانا حەفازا و هەمی جۆرێن كلینیسان) هاتە تەرخانكرن.
ب رێیا وان نەه كارگەهان دەلیڤەیێن كاری بۆ پتر ژ ٥٠٠ كەسان دێ هێنە دابینكرن، هەروەسا لژنا گەشەپێدانا پیشەسازی و وەبەرهێنانێ بڕیار دا پێداچوون د ئەرد و رازیبوونا وان كارگەهان دا بهێتە كرن یێن بەری نوكە دەستووری هەی و دەست ب كارنەبووین.
