دەما وە دبینم -فەرخ و ستی-
سەدیق حەجی وەلی
هند سەر چۆكا چووین ماین هەستی
قەشاڤی لێڤ و چۆكێن شكەستی
سەر چۆكان چووین هند بریندار
بێ دەرمان و دختۆر و پەرستار
نەخشەک هەیە بەری هنگۆری
من بهیست بوو چەندەک بۆری
(بنێرە نەھ سەد و هەشتێ..
هەشتێ و ھەشتێ ئەوێ گەشتێ)
ژ خەملا سل دەربڕینا گەلان!
پیر و خورت و جوان دبێ جان
بێ بزاڤ و لڤین هەمی تەرم
ئەوێن ژبیر كرین بۆ وانە شەرم
نفت و غازان رەنگ زەحفەرانی
روین و گازان روی دای ئاسمانی
پێل پێل دارێتن دل و سیان
یەک نەما نەکەت ئاخ و ئاهان
نەدارێ مووسا، نە دەستێ عیسا
نە پیرێ زانا و نە شیرەت دیسا.
