دەمیرتاش چار پێشنیازان ئاراستەی تورکیا دکەت

دەمیرتاش چار پێشنیازان ئاراستەی تورکیا دکەت

1

سەلاحەدین دەمیرتاش هەڤسەرۆکێ بەرێ یێ هەدەپێ کو نها ل زیندانێ دایە د نڤیسەکێ دا دیار کریە، تورکیا د رەوشەکا گەلەک هەستیار دایە و ژ بۆ چاەرسەرکرنا پرسا کوردی و بەردەوامیا قووناغا ئاشتیێ دڤێت د پێنگاڤا ئێکێ دا هەموو گرتیێن سیاسی ل تورکیا بهێنە ئازاد کرن، دڤێت دووماهی ب سیاسەتا قەیوومان بهێت و هەروەسا پێدڤیە دەلیڤە ب ئۆجەلانی بهێتە دان دا بشێت پتر ب رۆلێ خوە رابیت و وەکو خالا دووماهیێ ژی پێشنیاز دکەت پەرلەمانێ تورکیا لەزێ بکەت و کۆمسیۆنەکێ بۆ پێشڤەبرنا قووناغا ئاشتیێ ئاڤا بکەت.
ل ئالیێ دی چاڤدێرێن سیاسی ل تورکیا وەسا دبینن، ژ بەر شەڕێ نها یێ د ناڤبەرا ئیرانێ و ئسرائیلێ دا دبیت قووناغا ئاشتیێ وەکو دهێتە خواستن بەردەوام نەبیت و رەنگە پەکەکە ژی رازی نەبیت نها دەست ژ چەکی بەردەت، ژ بەر ڤێ یەکێ ژی بەرپرسێن تورکیا نیگەرانن کو ئێک ژ ئارمانجا ئسرائیلێ ئەو بیت پشتی ئیرانێ ئێرشی تورکیا بکەت.

کۆمێنتا تە