دەمێ ئەز مایكێ هەلدگرم هەست پێ دكەم كو دبمە هەموو تشت
سندس سالح سلێڤانەیی:
سەمەر تركی، پەیامنێرا (گاڤ) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ راگەهاندنێ دكر، پشتی دەلیڤە هاتی ل دەستپێكێ وەك پێشكێشكار من ل ستۆدیۆیێ كاردكر، پشتی دەمەكی دەزگەهێ من لێ كاردكر ئەو باوەری بۆ من چێكر كو بچم ببمە پەیامنێر و ب ڕاستی ئەز ل دەستپێكێ ترسیام پاشی باش بوو، هەلبەت من چو ئاستەنگ ژی ل بەر سنگێ خۆ نە دیتن ب دیتنا من بۆ كچان پتر دەلیڤە یا هەی كارێ پەیامنێریێ بكەن و خەلك ژی یێ هاریكارە.
هەروەسا گۆت: هەر كەسەكێ مایكێ راكەت دڤێت ل دەستپێكێ رێزێ ل خۆ و كارێ خۆ بگریت، هەروەسا هەست ب بەرپرسایەتیێ بكەت، چنكو كارێ وی/وێ یێ پیرۆزە و دەمێ ئەز مایكێ هەلدگرم و دەردكەڤمە كاری ئەز هەست پێ دكەم ئەز هەموو تشتم، هەروەسا گەلەك جاران بۆ كارێن ژدەرڤە یان بازاڕی ژی هەتا بێ مایك ژی خەلكەك گەلەك قەدرێ مە دگرن و ئەم ژی هەست ب خۆشیێ دكەین، لەورا دەمێ ئەز ل سەر شاشەیێ دەردكەڤم بزاڤێ دكەم ب هەموو شێوەیەكی پەیاما خۆ بگەهینم و هەكە من ئایشەیەك یان ئاستەنگ ژی هەبیت ئەز دهێلمە ل مال پاشی دهێمە سەر شاشێ، ئانكو ل سەر شاشێ ئەز دبمە كەسەكا دی.
