دەمێ د زڤریە مال ئێكسەر جلكێن خۆ ب گۆهۆڕە
دەمێ تو ژ مال دەردكەڤی و دچیە دەوامێ یان بازاری یان ژی هەردەركەفتنەكا دی هەكو دزڤریە مال زور جاران هند ماندی دبی كو تە چ هێز نینە جلكێن خۆ بگۆهۆری، بەلێ ئەڤێ چەندێ زیانێن خۆ هەنە و هەتا دبیت كارتێكرن ل ساخلەمیا تە ژی ببیت، ئەڤجا دەمێ دگەهیە مال بزاڤێ بكە جلكێن خۆ ئێكسەر بگۆهۆری بو جلكێن فرە و ئارام، مالپەرێ (برایت ساید) زیان و مەترسیێن ڤێ چەندێ دیار دكەت ئەو ژی ئەڤەنە:-
-1 بو دەمارێن ڤەگوهاستنا خوینێ باش نینە، دەمێ د زڤریە مال و جلكێن دەركەفتنێ ل بەر خۆ نەكەی، بێگومان دێ زیان لتە بیت، ژبەركو ئەو جلكێن ئەم بو ژ دەرڤەی مال دكەینە بەر خو زور توندترن ژ یێن ناڤ مالێ ئەڤجا دێ كارتێكرنەكا نەرێنی ل زڤروكا خوینێ كەن.
-2 دەمێ تو وان جلكا ب درێژاهیا روژێ د هێلیە بەر خۆ بەكتریا دێ هێنە دناڤ مالێ دا، ئەڤە ژی دێ بیتە ئەگەرێ ئلتهاباتێت جوراو جور.
-3 رەنگە ببیتە ئەگەرێ دروستبونا پرسكێن بێزاركەر ل سەر لەشێ تە، بتایبەت هەكە جلكێن تە قوماشێ وان پتر نایلون ناڤدا بیت، رەنگە ئەڤ جلكە د سەرنجراكێش بن، بەلێ رێكێ نا دەنە پیستی كو هەناسێ وەرگریت و لەشی گەرم دكەن و دبنە ئەگەرێ كولبونا پیستی و هەستیاریێ.
4.رەنگە ئاریشە بو مەعیدێ تە پەیدا ببن، ژبەركو ئەو جلكە د توندن و فشارێ د ئێخنە سەر زك و كەمەرا تە و ئەڤە دبیتە ئەگەرێ ئاریشێن ساخلەمی كو ئازارا وێ زور ژ هندێ پترە یا تە پێشبینی دكر، چونكی ئەو جلكێن فشارێ د ئێخنە سەر زكی ئاریشێن جورا و جور یێن هەرسكرنێ پەیدا دكەن.
