دەمێ كەڤالێن سروشتی چێ دكەم ئارام دبم
بێوار حەمدی:
شێوەكارێ گەنج (دیار شەعبان) كو ئاكنجیێ قەزا ئاكرێ یە، د دیدارەكێ دا بۆ رۆژناما ئەڤرۆ گۆت: شێوەكاری حەزا من بوو، لێ پشتی چوویمە پەیمانگەهێ ئەو حەز زێدەتر لێ هێت و ئەز شیام بەهرەیا خوە بەر ب پێشڤە ببەم و دێ یێ بەردەوام بم.
هەروەسا گۆت: پتریا كەڤالێن ئەز چێدكەم وێنەیێن سروشتێ جوانێ كوردستانێ نە، چنكو ل دەمێ چێكرنێ ئەز گەلەك پێ ئارام دبم، هەروەسا بۆ پێشڤەبرنا شیانێن خوە ئەز گەلەك دووفچوونا كەڤالێن شێوەكارێن جیهانی دكەم و من گەلەك مفا ژێ وەرگرتیە، لێ ب مخابنی ڤە جڤاكێ مە وەكو پێدڤی گرنگیێ ب كەڤالێن حۆمالی نادەن و هێشتا د دیتنا هندەك كەسان دا ب تایبەت ل هندەك دەڤەران ئەڤ كارە یێ حەرامە.
