دەمێ ل بارەگایێ بارزانی مووچەیێ من (40) دینار بوون
ديدار، سالار محةمةد دؤسكى:
2-2
ل دور نەخوشترین دەمێ ل شۆرەشێ بورانددین ناڤبری گۆت: دژیانا خوە یا پێشمەرگاتیێ دا دو جاران بوومن نەخوش بوویە جارەك ل سەرێ ئاكرێ بوویە ل سالا 1962ێ بوویە و جارەكێ ژی كەفتمە كەمینەكا توركان وی دەمی شورەشا گولانێ بوو و ئەم چەندین هەڤال بووم و ئەز ل سەر پشتا هەسپێ بووم و من نشتەگەریەك ل ئیرانێ كربوو و دەمێ هاڤێتی مە رەمی یا ئێكێ ژ ستویێ هەسپێ من گرت و هەسپی ئەز هاڤێتم كەفتمە بن دارەكێ و نە من ئاگەهـ ژ هەڤالێن خوە بوو و نە ئەوان ئاگەهـ ژ من هەبوو و گولێن گوریێ هاتنە هاڤێتن و ئەو پیش ئاگر بەر بوویێ و من سەحكرە لەشێ خوە بریندار نەبوویمە و بتنێ من هەڤالەكێ خوە دیت و ئێدی من هەڤالێن خوە نەدیتن و هندەك پێشمەرگێن دی ژی ل گەل مەهەبوون سەر ب لقێ ئێك ڤە و ئەو ژی بۆ پێشمەرگەی هاتبوونە هندەك پێلاڤان و ئەم دناڤبەرا رەبیێن ئیراق و توركیا دابوون و مە خوە هڤاێتە پشت بەرەكی و هەتا ئەو هێزا توركا هاتی هەمی كەل و پەلێن مە ل گەل خوە برین مە خوە بێ دەنگ كر و هەڤالەكێ مە بناڤێ(سەمەد) هاتە دەستەسەركرن و ئەم هەتا ب شەڤ ماینە وی جهی و هەتا دنیا تاری بوو و مە دا بەروژەكی و ب رێ كەفتین و هندەك هەل هەلوك مە ب رێكێ ڤە خوارن و ئەم گەلەك برسی بووین و هەتا گەهشتینە (زێتێ) مە هەڤالێن خوە هەمی وێرێ دیتن و بتنێ(سەمەد) دناڤ دا نەبوو و مە ژ خەلكێ گۆندی خواست پێزانینا ل سەر وی هەڤالێن خوە وەربگرین چونكە مە گۆتێ ژ بەر خێزانا وی دڤێت تشتەكی ژێ بزانین و دووڤ دا هاتینە ئاگەهداركرن كو هاتیە دەستەسەركرن، دیسا دژیانا من یا پێشمەرگاتیێ دا دو جاران بریندار بوویمە
هەمان پێشمەرگە گۆت: ل سالا 1963ێ جارەكێ ل شكەفتەكێ بووم دگۆتنێ(گرزەگور) ل هنداف (دیانا) سێ دەبابێن حوكمەتا ئیراقێ وێرێ بوون و ئەم ب شەف نەدشیاین دەركەڤین و بتنێ ب رۆژ ئەم دەركەتین بخوە چووینە نانی و هەر تشتەكێ مە پێدڤی پێ هەبا و پێشمەرگە بەری سالەكێ ل وێرێ بوو و نانێ وان مابوو ل واران وی دەمی ئەم گەلەك برسی بووین و مە نانێ وان بخوە تینا و مە دقوتا و مە دخوار، بۆ ئاڤێ ژی مە تەنەك ب شەڤ دبر و ئەم چووینە ناف حوكمەتێ و مە بخوە ئاڤ كێشا و هەر جار دورا ئێكی بوو و هندەك ل گەل چوون دبوونە زێرەڤان وی دەمی گەلەك تەنگاڤ بووین ژ برسان دا، بەری بەیانا 11ی ئادارێ ل سالا 1970ێ حوكمەتا ئیراقێ گەلەك بزاڤكرن مە بشكێنت و نەشیا و شاند هنارتنە دەف (مەلا مستەفا بارزانی) و داخازا دانوستاندن و ئاشتیێ كر.
هەمان پێشمەرگە گۆت: دەمێ مامۆستایێن ئاینی دهاتنە دەف (مەلا مستەفا بارزانی) وی دەمی خودێ ژێ رازی (مەلا مستەفا بارزانی* پارە ژی دانێ و دگۆتن دێ مزگەڤتا ئاڤا كەین ل (نەجەف و كەربەلا) و گەلەك جاران دهاتن دەف و خودێ ژێ رازی (مەلا مستەفا بارزانی) گەلەك باوەری پێ دهات و هەمان دەم ئەو مامۆستایێن ئاینی ئەمن بوون و هەر دەمێ هاتبانە بەری وی دەمی دا چین پشكنینا دەڤەرێ كەین و دەمێ مامۆستایێن ئاینی هاتین بەری نیڤرۆ بوو و هاتن چوونە دەف خودێ ژێ رازی و دەمێ خوە تەقاندی ئەو كەسێ تەنشت مەلا مستەفا بارزانی خوە تەقاندی پرتكی و مەلا مستەفا بارزانی خوە چپكەكا خوینێ ژی ژ لەشێ وی نەهات و بتنێ سەجمەك ب وی ل دەرڤە ڤێ كەت بوو و پێشمەرگەكێ مە شەهید بوو و هەمی مامۆستایێن ئاینی نەچوبوونە ژوور و هندەك ل دەرڤە ژی بوون و نارنجوك ژی ل گەل بوون و ئەوێن دەرڤە بزاڤكرن هێرشی مالێن سەرۆك (مەسعود بارزانی و ئدریس بارزانی) بكەن و ئەوا هەردوكان شەرەكێ مەزن كر ل و ئەو هەمی كوشتن و تەرمێن وا هاڤێـتن و پشتی چەند رۆژا هاتنە تەرمێن خوە.
هێشتا گۆت: جارا ئێكێ من (مەلا مستەفا بارزانی) دیتی ل سالا 1962ێ بوو ل نەهلێ و ئەم روینشتی بووین ل سەر هندەك بەران دا چینە دەڤەرا سوران و مە دیت هات و ئەم هەمی رابووین پێش ڤە و ئەو گەلەك عاجز بوو و گۆت هوین بۆچی رادبن نەرابن مە هەڤالەك هەبوو بناڤێ(نەبی) ل شەرێ مێرگەسورێ شەهید بوویە و گۆتێ قوربان ئەم نەشێین نەرابین و خودێ ژێ رازی مەلا مستەفا بارزانی مرۆڤەكێ گەلەك نورمال بوو و گەلەك ژ گەندەلیێ و بێ رەوشتیێ و بێ دادیێ عاجزدبوو و دەمێ عاجزدبوو و چا ڤەدخوار گەلەك جاران دەستێن وی دلەرزین و جارەكێ ( مەلا مستەفا بارزانی) سحبەتەك كر (عیسێ سوار و ئەسعەد خوشەڤی) چەندین سەرقول ل دیوانا وی بوون و ئەف دیوانخانە خوە دمالا وی دا بوو و ئەو جهێ مرۆڤێن مەزن وێرێ بوون و چا خوە ب راستی تێكڤەدا، هندی ل گەل خودێ ژێ رازی من هێشتا كەسەك نەدیت بوو روی ب روی سەحكەتە ناڤ چاڤێن (مەلا مستەفا بارزانی) مرۆڤەكێ گەلەك ب سەهم بوو و هەمان دەم مرۆڤەكێ گەلەك دلوڤان بوو و خوە زولم ل كتكەكێ نەدكر، بیرا من دهێت دەمێ ل سالا 1970ێ دەمێ صەدام حسێن هاتیە دەف مەلا مستەفا بارزانی دنیا گەلەك ساربوو و (مەلا مستەفا بارزانی) چاكیتێ خوە داڤێ و كرە بەرخوە ,
هەمان پێشمەرگەی گۆت: وی دەمی گۆتنە مە دێ عەردی بوو هەوە كرین و بخوە ئاڤا بكەن دا ل گەل مەبن و هوون نەشێن هاتن و چوونێ بكەن و عەرد بوومە كری و مە بخوە ئاڤاكر و دەمێ مەلا مستەفا بارزانی هاتبا دا ەئم هەمی چینە سەر جادێ هەتا ل پرا گلالێ دەربازدبوو و ئەم دا زڤرین .
ناڤبری گۆت: خودێ ژێ رازی (مەلا مستەفا بارزانی) گەلەك كەیفا وی ب (وەرتی)یا دهات گوندێ وان (وەرتێ) دكەڤیتە بەرامبەر (دیلمان) و ئەو مرۆڤ گەلەك سحبەت چیبوون و هەر دەمێ ئەو دهاتنە دەف خودێ ژێ رازی مەلا مستەفا بارزانی هەر دەم دكرە كەنی و هەمان دەم هەر گاڤا هندەكا مزگنیەكا نەخوش دابێ تێكچوو و ئەو هینگێ راوستیا هەتا مافێ وی كەسی وەرگرت ئەوێ زولم لێ هاتیەكرن.
هێشتا گۆت: هندی ل گەل خودێ ژێ رازی (مەلا مستەفا بارزانی) گەلەك كەیفا مە دهات و هەر دەمێ ب ترۆمبێلێ هاتبا و ئەم ل سەر جادێ باین و ئەگەر چەند جهێ تەنگبا دا مە ل گەل خوە سوار كەت و مرۆڤەكێ گەلەك نورمال بوو و هەر كەسەكێ هەبا بێ ترس دا چیتە دەف و هەر تشتەكێ پێ چ ببا دا بۆ كەت.
هەمان پێشمەرگەی گۆت: شورەشا ئیلونێ تێكچوو بەرامبەر سێ گزیرتان بوو كو سەدام حسێنی دانە شاهێ ئیرانێ و و شاهێ ئیرانێ گۆتێ ئەگەر بدەیە من دێ ڤێ شۆرەشێ تێكدەم و ل گەل دانا ئەڤان گزیرتا گەلەك وەلاتێن عەرەبی ژی عاجزبوون ل سالا 1975ێ مە گەلەك كرە گری و (10) رۆژان مە خوارن نەخوار وهەمی مالێن كوردان تازی بوو و ئیرانێ گۆت ئەگەر هوون خوە ڤەنەكێشن ئەم و ئیراق دێ هەوە دەین و خودێ ژێ رازی (مەلا مستەفا بارزانی) ب بەرژوەندی دیت ئەم هوسا بین چونكە ئەم نەدشیاین شەرێ دو وەلاتێن بهێز بكەین و رۆژەكێ مە مستەفا بارزانی گۆت: وی دەمی دیوانا وی یا گرتی بوو ژ كەساتیێن ناڤدار و ئەسعەد خوشەڤی وێرێ بوو گۆت ئەوێن چنە بەردلوڤانیا خودێ چنە بەلێ ئەوێن مینین دێ زولمەكا مەزن لێ هێتەكرن و دوژمنێن مە دێ ب سەركەڤن و ئەو دێ گەهنە ڤی حەقی و دەست هەلات دێ كەڤیتە د دەستێ وان داو ئەوێن مینن ژی دهێنە ژبیركرن و بخودێ وەك وی دەركەفت.
ل دووماهیێ ناڤبری گۆت: خودێ ڤی مللەتی ب پارێزیت و ڤێ تەناهی و ئارامیێ بوومە پێلیت و خودێ ئەڤان پێشمەرگان ب پارێزیت و هەر ساخ و سلامەت بن.
