دەمێ ب کارئینانا سیستەمێ ڤار د چامپیۆنزلیگێ دا هاتە دیار کرن
ئەڤرۆ نیوز ، زنار تۆڤی:
ئالێکسەندەر چێڤرین سەرۆکێ فیدراسیۆنا تەپا پێ یا ئورۆپا دەمێ بکارئینانا تەکنەلۆژیا ڤار د یارییێن چامپیۆنز لیگێ دا ئاشکرا کر و جه‌خت ل سەر هندێ كریه کوو د وەرزێ 2019 ـ 2020 دێ هێتە جێبەجێ کرن.
چێڤرین بۆ رۆژناما” لا ناسیۆن” یا ئەرجەنتیی گۆتیە،کو باشترین دەم بۆ بکارئینانا ڤار د یاریان دا وەرزێ داھاتیە، ھەر چەندە هندەک تێبینی و گومان ھەنە، بەلێ بکار ئینانا وێ گەلەک یا گرنگە، لەوما دێ پشت بەستنێ ل سەر کەین،کو پێشتر د چار گۆشا زێرینا کۆپا سۆدا ئەمریکانا بکار ئینایە.
پرۆگرامێ ڤار بۆ ئێکەمجار د مۆندیالا روسیا هاتیە بکارئینان، ھەر چەند ل دەستپێکێ دا رەخنەکا زۆر هاتە ئاراستەکرن، چونکی پشکەکا وان دگۆت دێ تاما یاریان کوژیت، بەلێ د روويەکێ دیتر دا ھەڤکارەکێ باش یێ دادوەران بوویە، د بریاردانا دروست و ب رێژەکا زۆر سەرکەفتی بووینە د بکارئینانا ویدا.
