دەمێ هزرێن تە دكم
سەیفوللا محەمەد
ئەز د بێژم ..
دێ ڤێ جارێ خامەیێ خوە
سەری لێ شكێنم و
چەند بشێم دێ دویر هاڤێژم
ژبەركو .. من د خوەست
ڕستا ڕێز كم
ژ هەلبەستا هەلبەستەكێ
ڤەڕێژم
ژ ناخێ ڤی دلێ خوە
هەستا دەرببڕم و
ب بستەهی بۆ تە بێژم
لێ قەت نەشیام
ژبەركو دەمێ هزرێن تە دكم
بێ هش دبم
وەكو هەر گێژەكی گێژم
ئێدی ..
نە ژنێزیك و نە ژدویر
من نامینن چ هزر و بیر
هەتا پەیڤا بكم هەڤیر
ل سەر سێلا دلێ شاریای
نانێ هەلبەستا ب پێژم.
