دەمەكێ درێژە ستران نە گۆتین
زنار تۆڤی:
خانما سترانبێژ (نارین شێخێ) كو ئەڤە چەندین سالە ل وەلاتێ ئەلمانیا دژیت، د دیدارەكێ دا، بۆ رۆژناما ئەڤرۆ گۆت: من ب حەز و ڤیانا خوە دەست ب كارێ سترانگۆتنێ كریە و هەتا نوكە من چەندین سترانێن سینگل و كلیپ بەلاڤكرینە، هیڤی یێن من د وارێ هونەری دا گەلەكن و هەتا نوكە گەلەك ژ وان هیڤیان بجه نە هاتینە، بەلێ هەر من بەردەوامی دایە كارێ خوە و چێكرنا كارێن هونەری ل ئەلمانیا كارەكێ ب زەحمەتە و گەلەك وەستیان دڤێت ژ بۆ پەیداكرنا مۆزیكژەنان.
ناڤهاتیێ گۆت: ئەڤە دەمەكێ درێژە من ستران نە گۆتین، چونكی كارێ سترانگۆتنێ كارەكێ ب زەحمەتە بۆ هونەرمەندان، دیسان گەلەك سازی ژی رێزێ ل هونەری ناگرن، لەوما من گەلەك گازندە و رەخنە ژ سازیێن راگەهاندنێ یێن كوردان هەنە، گەلەك ژ وان سازیان چ بهایی نادەنە و هونەر و هونەرمەندێن خوە، نوكە ب تنێ ئەز هەلبەستان دنڤیسم، بەلێ هەر هونەر و ستران و مۆزیك د دلێ مندانە و گەلەك حەزژ هونەر و مۆزیكا كوردی دكەم و چەندین كارێن هونەری ژی ل بەر دەستێ من هەنە.
