دەم پارتـی: ئەڤـا ئاکـپارتی دکـەت کـۆدەتـایە
ب فەرمانا وەزارەتا ناڤخوە یا تورکیا دوهی عەبدوللا زیدان هەڤسەرۆکێ باژێرڤانیا مەزن یا وانێ ژ کاری هاتە دوورخستن و ب جهێ وی قەیووم هاتە دانان، ل هەمبەر دا دەم پارتیێ ب داخۆیانیەکێ دیار کر، ئەڤا نها ل دژی دەم پارتی و هەڤسەرۆکێ باژێرڤانیان دهێتە کرن کۆدەیا یە و چو رامانا هەلبژارتنان و دەنگێ خەلکی نەمایە.
دەم پارتی دیار دکەت، ئاکپارتی ل ئالیەکێ بەحسێ چارەسەرکرنا پرسا کوردی و ئاشتیێ دکەت و ل ئالیێ دی کەسێن کو ب دەنگێن خەلکی هاتینە هەلبژارتن ژی ژ کاری دوور دئێخینیت، ئەو یەک ژی ئاریشەکا گەلەک مەزنە و کورد ڤێ یەکێ قەبوول ناکەن، وەکو دەم پارتی ئەو ب چو رەنگەکێ سیاسەتا دانانا قەیوومان قەبوول ناکەن و سیاسەتا نها یا دەستهەلاتا ئاکپارتیێ دێ بیتە ئەگەرێ روودانا گەلەک ئالۆزیان و دڤێت دەستهەلات رێزێ ل دەنگ و ئیرادا گەلێ کورد بگریت و دەست ژ سیاسەتا خوە یا شاش ل دژی گەلێ کورد بەردەت.
