دەم پارتی: دڤێت گرتیێن سیاسی بهێنە ئازاد کرن
هەڤسەرۆکێ دەم پارتیێ دیار کر، هەتا نها ژ ئالیێ دەولەتا تورکیا ڤە ژ بۆ پێشڤەبرنا قووناغا ئاشتیێ یا پێدڤی نەهاتیە کرن، دڤێت هەر چ نەبیت د پێنگاڤا ئێکێ دا گرتیێن سیاسی بهێنە ئازاد کرن، چونکی هەلوەستێ نها یێ دەولەتا تورکیا خزمەتا پێشڤەبرنا قووناغا ئاشتیێ ناکەت.
تونجەر باکرهان ئەو یەک ژی دیار کر، بەری نها ژی وان داخواز کربوو وەکو پێنگاڤا ئێکێ هندەک ژ گرتیێن سیاسی ب تایبەتی ژی دەمیرتاش بهێتە ئازاد کرن، لێ هەتا نها چو پێنگاڤ نەهاتینە ئاڤێتن و ئەو یەک ژی دێ کاریگەریا خوە یا خراب ل سەر پێشڤەبرنا قووناغا ئاشتیێ هەبیت.
ل ئالیێ دی دوهی جەنگیز چاندار پەرلەمانتارێ دەم پارتی ژی دیار کر، دڤێت کۆمسیۆن بلەز هندەک پرۆژە یاسایان بەرهەڤ بکەت و ل پەرلەمانی ببنە قانوون ب تایبەتی ژی قانوونا ڤەگەرا چەکدارێن پەکەکێ ژ چیا بۆ ناڤ تورکیا، چونکی دڤێت چارەنڤیسێ وان کەسان ب قانوونی بهێتە ئێکلا کرن.
