دەم پارتی: دێ جارەکا دی ل گەل پارتێن سیاسی یێن تورکیا کۆمبین
بەرپرسەکێ دەم پارتی بۆ دەزگەهێن راگەهاندنا تورکیا دیار کریە، پشتی پەیاما ئۆجەلانی وەکو دەم پارتی وان بەرنامێ خوە یێ تایبەت بۆ پێشڤەبرنا قۆناغا ئاشتیێ هەیە و دێ جارەکا دی سەبارەت ب ناڤەرۆکا پەیاما ئۆجەلانی ل گەل هەموو هێزێن سیاسی یێن تورکیا کۆمبن، وان دڤێت بزانن کا هەلوەستێ دووماهیێ یێ هێزێن سیاسی چیە و بێگومان ژ بۆ پێشڤەبرنا قۆناغا ئاشتیێ دڤێت هەموو هێزێن سیاسی یێن ل پەرلەمانێ تورکیا ب ئەرکێ خوە رابن.
ل ئالیێ دی تونجەر باکرهان هەڤسەرۆکێ دەم پارتی ژی دیار کر، پێدڤیە ب پشکداریا هەموو پارتێن سیاسی یێن ل پەرلەمانێ تورکیا چەندین لیژنە بهێنە ئاڤاکرن دا رۆلێ خوە ژ بۆ پێشڤەبرنا قۆناغا ئاشتیێ بگێرن و هەروەسا چاڤدێریا پێشڤەبرنا قۆناغا ئاشتیێ ژی بکەن، چونکی بێی پشکداریا هەموو هێزێن سیاسی قۆناغا ئاشتیێ وەکو پێدڤی پێشڤە ناچیت.
