دەم پارتی: دێ ل گەل ئەردۆغانی کۆمبین
پەروین بولدان ئەنداما شاندێ ئیمرالیێ دیار کر، وەکو شاندێ ئیمرالیێ ئەو دێ پشتی جەژنا رەمەزانا پیرۆز ل گەل رەجەب تەیب ئەردۆغانێ سەرۆک کۆمارێ تورکیا کۆمبن، وان بەری نها داخوازا هەڤدیتنێ ل گەل سەرۆک کۆمارێ تورکیا کربوو و داخوازا وان هاتیە قەبوول کرن و دێ پشتی جەژنێ ل گەل سەرۆک کۆمارێ تورکیا کۆمبن.
ئەنداما شاندێ ئیمرالیێ ئەو یەک ژی دیار کر، بێگومان کۆمبوونا وان ل گەل سەرۆک کۆمارێ تورکیا گەلەک گرنگە، چونکی دێ کاریگەریا خوە ل سەر قۆناغا ئاشتیێ هەبیت و هەروەسا دێ ژ بۆ ئازادکرنا سەلاحەدین دەمیرتاش هەڤسەرۆکێ بەرێ یێ هەدەپێ ژی بیتە گاڤەکا گرنگ و ئەو هیڤیدارن پشتی کۆمبوونا ل گەل ئەردۆغانی گەلەک تشتێن گرنگ بهێنە کرن کو د بەرژەوەندیا هەموو گەلێ تورکیا دا بیت، چونکی کورد و هەموو وەلاتیێن تورکیا چاڤەریێ پێنگاڤێن دلخوەشکەرن و ئێدی دەم هاتیە ب کریاری هندەک تشت ژ ئالیێ دەولەتێ ڤە بهێنە کرن.
