دەم پارتی: قووناغا ئاشتیێ دێ یا بەردەوام بیت
تونجەر باکرهان هەڤسەرۆکێ دەم پارتی دیار کر، بزاڤێن وان بۆ بەردەوامیا قووناغا ئاشتیێ بەردەوامن و ئەو چاڤەرێ نە د دەمەکێ نێزیک دا بابەتێ دەست بەردانا ژ چەکی ژ ئالیێ پەکەکێ ڤە ب کریاری بجه بهێت و ل هەمبەر دا ل تورکیا ژی گوهۆڕینێن پێدڤی یێن قانوونی و سیاسی بهێنە کرن.
ئەو یەک د دەمەکێ دایە، کو بەری دو رۆژان دەولەت باخچەلی سەرۆکێ پارتا بزاڤا نەتەوەپەرست یا تورکیا دیار کربوو، دەستپێکرنا شەڕێ د ناڤبەرا ئیرانێ و ئسرائیلێ دا ژ بۆ راگرتنا قووناغا ئاشتیێ یا ل تورکیا یە و دڤێت تورکیا هشیار بیت و پێدڤی ئەم رێ نەدەین هێزێن دەرڤە ئالۆزیان دروست بکەن.
بەری نها نامیک تان بالیۆزێ بەرێ یێ تورکیا ل ئەمریکا ژی دیار کربوو، دبیت پەکەکە دەست ژ چەکێ بەرنەدەت و قووناغا ئاشتیێ ژی ل تورکیا بهێتە راگرتن.
