دەنگبێژێن دەڤەرا بەهدینان مافێ سترانا فۆلكلۆری نادەنێ
هەرهین محەمەد:
هوشەنگ نێروەیی، سترانبێژێ كوچكو دیوانان، د دیدارەكێ دا بۆ رۆژناما ئەڤرۆ گۆت: دەرحەقێ سترانا فۆلكلۆری نادەركەڤم دبیت ئەو مافێ سترانا فۆلكلۆری ل سەر مە هەی،چونكو ئەو سترانە داستان و سەرهاتی بووینە و بووینە ستران و هاتینە تۆماركرن وەكو ماف نە ئەز و نە هونەرمەندێن دەڤەرا بەهدینان مافێ سترانا فۆلكلۆری نادەینێ و هندی سترانا كوچكو دیوانا یە سترانبێژ نابێژیت دیوان ب خوە دبێژیت و هەكە دیوانا خۆش بیت و كەسێن دانعەمر دروینشتی بن و كەسێن دفلكلۆری و سترانێ ب گەهن دروینشتی بن و هەر پاژبەندەكا سترانبێژ بێژیت تەویك بهێن بێ مرۆڤی ستران دێ هێتە گۆتن ستران یا خۆشە، دیسان ژی دەمێ ل سەرێ چیایێن كوردستانێ بتنێ بم وی دەمی ژی ستران بۆ من یا خۆشە.
هەروەسا گۆت: ئەو ناما من ڤیایی و خزمەتێ بۆ دكەم هێشتا نەگەهشتیە، چونكو مەرەما من ئەوە سترانا كەڤن بەرزە بووی نوو بكەمەڤە و ئێكەم سترانبێژ بوویمە سترانێن ب زەحمەت یێن وان سترانبێژێن وەغەركرین وەكو سترانێن متی خانێ نێروەیی و محەمەد پیرۆ و ئیسڤێ عەبو خورتا و ئەڤ سترانبێژە قوتابخانە بوون و گەنج نەشیان بێژن و ئێكەم گەنج بووم من شیا بێژم و خوە لێ بكەمە خودان و بێژم و دیسان ڤە كولینێن من د بەردەوامن ل سەر سترنێن شاهی و گوڤەندان و من دگەلەك بەرنامان دا من ستران نوو كریە ڤە و شیاینە هەتا دو سەد سترانێن كەڤن نوو بكەم و خەلك و مفای ژێ بینت و نوكە گەلەك سترانبێژ ل شاهی و گوڤەندان دبێژن.
