دەنگدان ئەڕكەكێ نەتەوەیی یە
سەدیق سنداڤی
د بزاڤا رزگاریخوازا گەلێ كوردستانێ دا، دەم بۆ دەمی ئالاڤ و ئاوایێن خەباتێ ێن هاتینە گوهارتن. ژ چەوساندنەكا پر گران و زۆلمەكا كۆرە و پاشڤەلێدانا هەبوونێ ژ ئالیێ نەحەز و دوژمنان ڤە، ب درێژاهیا دیڕۆكێ، گەلێ كوردستانێ شەڕێ چەكداری یێ دەستپێكری، سەرهلدان و شۆرەشێن بەرفرەه ب قەهرەمانیەكا دەنگڤەدای، سەركەفتنێن مەزن یێن تۆماركرین. هەلبەت ئەڤ ئێكە د بنسترا خوەدا دوور بوویە ژ رەوشت و تیتالێن كوردایەتیێ كو چو جاران گەلێ كوردستانێ شەرخواز نەبوویە و شەڕێ چەكداری نەفرەت لێ كریە. لێ بەلێ دەما شەر ل سەر هاتیە سەپاندن و قڕكرن هاتیە بەردەرگەهی، ل وی دەمی گەلێ خوەڕاگرێ كوردستانێ چۆك نەدانایە، ژبۆ بدەستئێخستنا مافێ خوە یێ ڕەوا و پاراستنا ئاخا وەلاتی و هەبوونا خوە، هەردەم د سەنگەرێن بەڕگریێ دا ل بەر سینگێ دوژمنان تێكۆشینا خوە یا بەردەوام كڕی.
د هەلكەفتنا هەر دەلیڤەیەكێ دا، گەلێ كوردستانێ هەردەم ڕێ، د هەمی ئالان دا ل دوژمنین خوە یێن گرتی، ئالاڤێ دوبلۆماسیێ پێش گۆریا چەكێ ڤە یێن هەلبژارتی و خەباتەكا سڤیل یا دەستپێكری و دەستێ ئاشتیێ یێ درێژكری. بەرانبەر بنپێكرنا هەمی پرەنسیبێن پێكڤەژیانا مرٶڤایەتیێ و ریزگرتنێ و لەهڤتێگەهشتنێ. ئەڤە ژی هەردەم خۆیا بوویە بۆ هەر ئالیكێ، ل دوور یان نێزیك كو دۆزا گەلێ كوردستانێ شۆپاندیە.
هەر وەكی دیار كو د ڤان ڕۆژێن بهێن دا، هلبژارتنێن ئیراقا فیدرال وێ د ڤێ خولێ دا بێن ئەنجامدان، هندی دچە هەر ئالی ب هەر رەنگەكێ هەبە پرۆپاگەندا خوە خورت دكە و لێدگەرە دەنگان ب دەستبێخە و كورسێن خوە د پەرلەمانێ داهاتی یێ ئیراقا فیدرال دا زێدە بكە. ئەم ژی وەكی ئالیێ كوردی پێدڤیە پێنگاڤێن چالاك د ڤی واری دا باڤێژن و ئەركە ل سەر هەر هەموەلاتێەكێ كوردستانی د ڤان هلبژارتنان دا دارێژە سەر سندۆقێَن دەنگدانێ و دەنگێ خوە بدە لیستا نوونەرێن راستەقینەیێن خوە یێن كورد. ئەڤەژی د بنسترا خوەدا ئەركەكی نەتەویە تەمامكەر و بەردەوامییا خەباتا پێشمەرگا و شەهیدێن كوردستانێ یە.
لیستا پارتی دیموكراتی كوردستان ژی یا ژمارە ٢٧٥ پشكدارە د ڤێ هلبژارتنێ دا، فەرە كوردستانێن هێژا دەنگێ خوە ب ڤێ لیستێ بدەن ژبەركو پارتی دیموكراتی كوردستان چووی و هاتنە و كوردایەتیە و پێكڤەژیانە و مافێ دەلەتبوونێ یێ ئینایە د هەبوونێ دا و یا كریە بابەتێن گەرم یێن دەولەتێن زلهێزێن جیهانێ. هەروەسا ژ بۆ كو ئاسایش و ئاڤەدانی بەردەوام و پتر خورتببە و ل سەر ئاستێ ناڤنەتەوی چالاكیێن ئەكتیف بین ئەنجامدان و دەستهەلاتا كوردستانێ بەر ب كۆمتیگەهێن بلند بچە، كورد بگەهەن چارەنڤیسێ خوە، د پێشەرۆژێ دا ب دەولەتبوونا كوردستانێ شاد ببن. كوردستان هەر ئاڤا و پێشكەفتیبە. داخواز دكم وەكێ هەڤوەلاتیەكێ كوردستانێ ژ گەلێ خوە یێ خوەراگرێ كوردستانێ، كو دەنگێ خوە بدەن لیستا ٢٧٥ لیستا پارتی دیموكراتی كوردستان و نوونەرێن هلبژارتی یێن ڤێ لیستا هێژا، راكەرا درووشمێن ئەركەمەندیا پاراستنا گەل و وەلاتی.
