دەنگدان ب لیستا ١٩٠ زامنکرنا ماف و ئازادی و یەکسانیێ یە
دیدار، هۆشەنگ تاجر:
مامۆستایەکا زانستێن سیاسی دیار دکەت، ئەڤ هەلبژارتنە بۆ هەرێما کوردستانێ چارەنڤیسسازە و دەنگدان ب لیستا پارتی دهێتە رامانا زامنکرنا ماف و ئازادی و یەکسانیێ یە، پارتی هەردەم کار بۆ ئازادی و سەربخوویا کوردستانێ کریە و دڤێت ئەم دەنگێ خوە بدەینە لیستا ١٩٠ یا پارتی.
ئاشنا بابان مامۆستایا زانستێن سیاسی د دیدارەکا تایبەت دا بۆ رۆژناما ئەڤرۆ دیار کر، ئەڤ هەلبژارتنە بێگومان ژ بۆ پاشەرۆژا هەرێما کوردستانێ گەلەک یا گرنگە، جارێ وەکو هەلبژارتن و پرۆسیسا دیموکراسیێ گەلەک یا گرنگە، ئەڤ هەلبژارتنە دێ بیتە ئەگەرێ ئاڤاکرنا کابینەکا نوو یا حوکمەتێ و بێگومان ژ بۆ مە وەکو هەرێما کوردستانێ دێ بیتە دەستپێکەکا نوو و گۆت: (هەموو تاکێن ل هەرێما کوردستانێ ئەڤ مافە یێ هەی ب رێیا دەنگدانێ وێ هێزا سیاسی هەلبژێریت کو دخوازیت ببیتە پشکەک ژ دەستهەلاتێ، بێگومان دەنگدەرێن ل هەرێما کوردستانێ دێ ب رێیا دەنگدانێ نوونەرێن خوە بۆ چار سالێن بهێت ل پەرلەمانی هەلبژێرن کو ئەو یەک ژی گرنگیەکا خوە یا تایبەت هەیە، چونکی ئەڤ هەلبژارتنە دێ بیتە ئەگەرێ گوهۆڕینێن نوو ل سەر ئاستێ هەرێما کوردستانێ، ژ بەر ڤێ یەکێ ژی ئەز دبێژم ئەڤ هەلبژارتنە گرنگ و چارەنڤیسسازن).
مامۆستایا زانستێن سیاسی ئەو یەک ژی دیار کر، پارتی دیموکراتی کوردستان هێزەکا کاریگەر و مەزنە ل هەرێما کوردستانێ ب سالانە پارتی کار بۆ ئازادیا کوردستانێ دکەت، کار بۆ سەرخوەبوونێ دکەت، پارتی شیایە قەوارێ هەرێما کوردستانێ ل هەمبەر ئێرشێن جودا جودا یێن دوژمن و نەیارێن گەلێ کوردستانێ بپارێزیت و ژ بەر ڤێ یەکێ ژی گرنگە ئەم وەکو دەنگدەر دەمێ دچیتە سەر سندوقێن دەنگدانێ ڤان راستیان بدەینە بەرچاڤ و ل گۆر ڤێ یەکێ ژی دەنگێ خوە بدەین و گۆت: (لیستا ١٩٠ یا پارتی دیموکراتی کوردستان، لیستا زامنکرنا مافێن گەلێ کوردستانێ یە، لیستا ١٩٠ لیستا یەکسانیێ و پێکڤەژیانێ یە، لیستا ١٩٠ یا پارتی نوونەراتیا هەموو پێکهاتەیێن جودا جودا ل هەرێما کوردستانێ دکەت، ژ بەر ڤێ یەکێ ژی دەنگدان ب لیستا ١٩٠ یا پارتی دیموکراتی کوردستان دێ بیتە ئەگەرێ بهێزبوونا پێگەهێ هەرێما کوردستانێ).
ئاشنا بابان د دووماهیا ئاخڤتنا خوە دا بەحسێ ڤێ یەکێ ژی کر، پارتی دیموکراتی کوردستان گرنگیەکا گەلەک مەزن دایە پێکڤەژیانێ ل هەرێما کوردستانێ، پارتی هەرێما کوردستانێ کریە نموونەکا گەلەک جوان یا پێکڤەژیانێ ل سەر ئاستێ رۆژهەلاتا ناڤین، ژ بەر ڤێ یەکێ ژی لیستا ١٩٠ نوونەراتیا هەموو خەلکێ کوردستانێ دکەت، ب هەموو بیروباوەران و گۆت: (ژ بەر ڤێ یەکێ ژی ئەز هێڤیدارم هەموو وەلاتیێن هەرێما کوردستانێ بۆ پاشەرۆژەکا گەش، بۆ ئازادیێ، بۆ یەکسانیێ و بۆ پاراستنا قەوارێ هەرێما کوردستانێ دەنگێ خوە بدەنە لیستا ١٩٠ یا پارتی دیموکراتی کوردستان دا کو هەرێما کوردستانێ هەر یا ئارام، ئاڤەدان بیت، چونکی سەرکەفتنا پارتی د ڤان هەلبژارتنان دا دێ بیتە ئەگەرێ بەردەوامیا کاروانێ ئاڤەدانیێ و کوردستان دێ هەر یا بهێز بیت).
