دەنگێ سەرهلدانێ
رەیان خالد عەلی
دناڤ بێدەنگیا نیڤ شەڤێ دا
چریسك ژ هەناسەیا چیان پەشین
ئەرد ڤەلەرزی و قێژی ژ بنێ پێ بای هەركین
ئەلندەك ژ چەرگێ ئەنفالكرنێ و كیمیابارانكرنێ برسقی
گوللە وەكی وان پەیڤێن دناڤ دلاندا
سەرانسەری وان سالان زیندانكریوەشیان
و سینگێ تاریستانا زۆدارییێ كەلاشت
گوند و باژێران چاڤێن خۆ ل سەر دیمەنێ نوی گەشكرن
ئەو وارە لێ جوانتر بهارە
ژ ڕانیا و پێداهات هەولێر و دهۆك و زاخۆ
داروبارێن ڤێ بهارێ بوونە نیڤا دەستێن داییكان
دناڤ دۆلێن دیرۆكێ دا ل ناڤێ خۆ دگەڕهن
خوینا شەهیدان هێشتا گەرمە،
ل مەیدانێ
دەستێن خەونا درێژ دبن هەتا سنوورێن ئاسمانی،
خۆفرۆش و خائین د قولاچكێن شەرمزاریێ دانە
و كوردستان ئەو ئەلهۆیێ هنداڤ چیان
سەرهلدانا خۆ ل سەر چەنگێن خۆ هەلدگریت
تەنییا دیرۆكێ ب سەرێ ستەمكاران دا وەردكەت
ل وێرێ؛
دوماهیك چیایێ د ناڤ ئاسۆیاندا
هەلبەستەكا زیندی دبیت
ب خوینا شۆرەشگێران
و ب ناڤێ كوردستانێ
ل سەر لاپەرێن هەتاڤێ
دنڤیسیت:
بەرهەمێ ئیلۆن و گولانێ یە.
