دەنگەك كەسێ گوهـ لێ نابت… بەلێ ڕێبەرییا هەر تشتی دكەت!
دونیا زەعیم
د كویراتیا هەمی مرۆڤان دا؛ دەنگەك یێ هەی كو ئەوانێن دی شیان نینن گوه لێ ببن، چ تۆنێن دەرەكی نینن، بەلێ ڕێنیشادەرەكا ڤەشارتییە بۆ هەمی ڕەفتار و بریاران. دەنگ نائێت گوهلێبین، بەلی د بڕیار و هەستێن مەدا و هەتا دیتنێن مە بۆ خوە و د جیهانی دا دەنگ ڤەددەت. ئەو دەنگێ ناڤخۆییە ئەو گۆتوبێژا ب بێدەنگی و بێی دوماهی یا كو د ناڤبەرا مە و ناڤخۆیامەدا، ڕینماییا ل مەدكەت بێی كو هەست پێ بكەین.
رەنگە ئەڤ دەنگە ڕێبەر بیت بۆ ئاشتیێ یان هێرشبەر بیت، و بارگرانیێ ل خودانێ خۆ بكەت ب تاوانباری و دوو دلی. دەنگێ ناڤخویی چییە؟ دەنگی ناڤخۆیی دیاردەیەكا سروشتییە كو هەمی كەس تاقی دكەن، نە وەسوەسەیە و نە نەخۆشییە، بەلكی كارەكی دەروونی یێ ئاساییە بۆ بیرئینانێ و پرسیار و هۆشداری و دوو دلی و پالندانان بۆ پاشەرۆژێ بخوڤە دگریت و هەتا بۆ ب رێڤەبرنا هەستان ژی بكاردئێت. ب واتەیەكا دی، دەنگی ناڤخویی ئامرازێ فرمانكرنا ناڤخۆ یا مەیە دجیهانەكا ئالۆز دا. هەر كەسەكێ ٣-٦ دەنگێن ناڤەكی هەنە وەكی) دەنگێ دووبارەبوی، ڕەخنەگر، هاندەر، لۆژیكی، سۆزداری، ڕەشبین یان وەسوەسە( بەلی هەمی دانوستاندنێن ناڤەكی هاریكانینێن، هندەك جاران ئەڤ دەنگە دگوهۆرێت بۆ رەخنەگرەكێ ناڤخویی توند كو خەلەتیان بێردئینت، تە بچویك دكەت، ئیشاندن دودلی و ترس و خەمۆكیی ددەت؛ ئەڤ دەنگە دبیتە چەكەكێ ڤەشارتی، ب تایبەت ل گەل فشارین بنەمالێ، ئایین، كومەلگەهی و ئەو وێنێن ئایدیالی د سەری مەدا چەسپاندین. بۆ نموونە، كچەك كو بەردەوامی ژالیی خیزانی ڤە رەخنە لێ دهێتكرن بورینا دەمی كۆپیەكا ناڤخۆیی
ئەڤی رەخنێ د مێشكێ وی دا پێشڤەدبەت، هەر دەمێ خەلەتیەكی بكت دگەل ئاخڤیت:
”تۆ بو چ باشی…تۆ بارگرانیی“.
ئەڤ دەنگە ژ چ جها دەرناكەڤت، بەلكی ژ دەنگەكێ پێشیێ پیكهاتیە: ژ بابەكێ توند، دایكەكا ترسناك، مامۆستایەكێ بێهیڤی كەر، یان جڤاكا بێ لێبۆرین. چاوانیا سەرەدەریێ ل گەل دەنگێ ناڤخۆیی ئەوە كو گوهداربین ژی نەكو پشت گوهـ باڤێژین، و پرسیاربكەین، ئەرێ ئەڤە ئەزم؟ یان سیبەرەكە ژ پەروەردەكرنامن یان تاقیكرنێن من؟ دووبارە نڤێسینا ئەوان خالین ناڤخۆیا مەدا ب دلنەڤایی و هوشیارتر؛ د ڤێری دا ئەو دەنگ ژ نەیارەكێ بێدەنگ دگوهۆریت
بۆ هەڤالەكێ هوشیار كو بەرەف پێگەهشتن و فرمانێن ئەرێنی دكەت.
ئەنجام: دەنگێ ناڤخۆیی ئێك بتنێ نینە، بەلكی جیهانەكا پێكڤە گریدایی یا دەنگانە. هندەك تە بلند دكەن، هندەك ژی تە دكێشین بۆ خوارێ، تێگەهشتن و ئاگەهداربین ل ڤی دەنگی پێنگاڤا ئێكی یە بۆ كۆنترۆڵكرن و ئاراستەكرن بۆ هندی ببیتە ژێدەرێ وەرارێ نەكو ژ ناڤچوونێ. ژبەركو سەرەڕای بێدەنگیێ، ڕێبەرییا هەر تشتی دكەت.
