دەولەتا كوردی دێ سەقامگیریێ ل ڤێ دەڤەرێ دا سەپینیت
ئەڤرۆ نیۆز،زنار تۆڤی:
بێرنارد هێنری لیڤی نڤیسەر و هزرمەندێ فرەنسی د دیمانەیەكێ دا ل گەل كەنالێ ئەلغەد ئاماژێ ب مافێ گەلێ كوردستانێ ودەولەتا سەربەخۆ كریە و گوتیە،راگەهاندنا دەوڵەتا كوردی ل كوردستانا عێراقێ دێ بێتە ئەگەرێ سەقامگیری و ئارامیا ڤێ دەڤەرێ.
ئەوژی گۆتیە:مەرج نینە چاڤەرێی دەولەتەکا كوردی بكەین کو هەموو كوردان ل خوە بگریت، بەلێ راگەهاندنا دەولەتا كوردی ل كوردستانا عێراقێ كارەكێ ئاساییە.
هەروەسا دەربارەی کوردان دیارکریە،ئەڤە سەد سالن کو زولم ل كوردان دهێتە کرن،هەر چەندە كۆمەلگەهێ نێڤدەولەتی سۆزا سەربەخۆیێ پێدابوو،بەلێ ل سۆزا خوە پاشگەز بوون،ژ لایەكێ دیڤە كوردان نرخەكێ زۆر دایە ل بەرهنگاربوونا ئیسلاما توندرەو و شەرێ مووسلێ ژی.
بێرنارد هێنری لیڤی ئاماژە ب هندێ ژی دایە كو راگەهاندنا دەولەتا كوردی ل كوردستانا عێراقێ دێ بیتە ئەگەرێ سەقامگیری و ئارامییا ڤێ دەڤەرێ، چونكی كورد رێزێ ل دیموكراسیێ و مافێ مرۆڤی دگرن، هەروەسا یەكسانیێ پەیرەو دەكەن دناڤبەرا ژن و زەلامان دا.
