دەڤەردارێ شێخان: نێزیكی پێنج هزار فەرمانبەران پارچەیێن ئەردی دێ وەرگرن
دهۆك، لەزگین جۆقی:
دەڤەردارێ شێخان بۆ رۆژنامەیا ئەڤرۆ دیار كر، ڕێكارێن بەلاڤكرنا پارچەیێن ئەردی ل ناوچەداریێن قەسرۆك و كەلەكچی و ئەترووش و كۆمەلگەها چڕەی ب دووماهی هاتینە.
سەردار یەحیا، دەڤەردارێ شێخان گۆت: «ل باژێرڤانیا شێخان و ناوچەداریا باعەدرێ كار بۆ بەلاڤكرنا پارچەیێن ئەردی د قووناغا دوماهیێ دایە و ب تنێ پەسەندكرنا نەخشەی مایە و دێ فەرمانبەر ژێ مفاداربن، ل دەڤەرداریا شێخان هەتا پێنج هزار فەرمانبەران دێ پارچەیێن ئەردی وەرگرن».
ناڤهاتی زێدەتر گۆت: «ئەم كار دكەین، كو هەر پارچەیەكا ئەردی بهێتە بەلاڤكرن ب سەنەد بیت و راستەوخۆ ل سەر ناڤێ فەرمانبەران پارچەیێن ئەردی بهێنە تاپۆكرن».
