د. ئالا ناتق: نۆكه گه‌نج ژی ته‌خمێن ددانان بخۆ چێدكه‌ن
د. ئالا ْ ناتق ، نوشدارا ددانان ل دهۆكێ دیاركر: چێكرنا ددانان پتر بۆ كه‌سێن دانعه‌مر دهێنه چێكرن لێ نوكه كه‌سێن ژدایكبوویێن ساله 1983 هه‌تا ساله 1985 قه‌ستا نه‌خۆشخانێ دكه‌ن بۆ چێكرنا ته‌خمێن ددانان.
د. ئالا ْ ناتق ، نوشدارا ددانان ل دهۆكێ ئاشكه‌را كركو: ددان بۆ كه‌سێن دانعه‌مر و گه‌نجان ژی دهێنه دروستكرن نۆكه هنده‌ك گه‌نج بۆ چێكرنا ته‌خمێن ددانان قه‌ستا مه دكه‌ن ئه‌و دبیژن ژكماكێ دا مه ئاریشه‌یێن ددانان هه‌نه مه دڤیت بخۆ ته‌خمێن ددانان دروست بكه‌ن لێ هنده‌ك هه‌نه ته‌خمێ ته‌مام بۆ وان هێته چێكرن وهنده‌ك ژی هه‌نه كا چه‌ند ددان وێ دروست وچه‌ند ددان نه دروست دووڤ ددانان ته‌خمه بۆ وان هێته دروستكرن ئه‌وژی چه‌ند قوناغ هه‌نه نه‌خۆش تێدا دبۆریت هه‌تا ته‌خمێ ددانان هێته دروستكرن ودانان.
نوشدارا ددانان ل دهۆكێ راگه‌هاندكو:” هه‌ر كه‌سه‌كێ ته‌خمێن ددانان بۆ دهێته چێكرن پێدڤیه باشی چاڤدێریا ته‌خمێ خۆ یێ ددانان بكه‌ت ب شه‌ڤێ ژ ده‌ڤی خۆ بینته ده‌ر هه‌روه‌سا ژی بشۆت نه‌هێلت ته‌خمه بهێته تێكدان وپێس بمینت چونكو پاقژیا ته‌خمێن دانان گه‌له‌ك یا گرنگه.
ناڤهاتی ئه‌وژی خۆیا كركو:” ده‌مێ نه‌خۆشی ددانان قه‌ستا نوشدارێ دكه‌ت هه‌تا پینچ جاران بۆ پێدڤن هه‌تا ته‌خمێن ددانان بۆ وێ هێنه دروستكرن چونكو به‌رێ چێكرنا ته‌خمێ نوشداران چاره‌سه‌ریا وێ دكه‌ت پاشی ته‌خمێن ددانان هێته چێكرن لێ مه‌رج نینه بۆ هه‌موو كه‌سان ته‌خمێن ددانان بهێنه چێكرن به‌لكو چاندنا ددانی ژی هه‌یه هه‌كه نه‌خۆش حه‌ز بكه‌ت دێ چاندنا ددانی بۆ هێته كرن راسته مه‌زاختی چاندنا ددانی گه‌له‌ك لێ ئه‌و ددانێن هێنه چاندن دووڤدا ناهێنه ده‌رخستن ئانكو نه وه‌كو ته‌خمێن ددانێ نه هه‌ر ده‌ڤێ مرۆڤێدا دمینن.
د. ئالا ْ ناتق، ته‌كه‌ز كركو ئه‌و كه‌سێن ته‌خمێن ددانان بۆ وان هێته چێكرن گه‌له‌ك جاران نه ره‌حه‌تیا خۆ ژی دبینن هه‌تا ژی ده‌مێ خۆارنێ دخۆن هه‌ست ب نه‌خۆشی دكه‌ن لێ چاندنا ددانی ئه‌و ده‌ڤ مرۆڤێ نامینت هه‌ست ب نه‌خۆشی ناكه‌ت ده‌مێ خۆارنی دخۆت یان پێ دنڤیت هه‌تا ژی حاله‌ت هه‌نه ته‌خمێن ددانی نه دروست دهێنه چێكرن ونه‌خۆش نه‌شێت باش بئاخڤت لێ هه‌كه ته‌خمه یێ دروست بیت دبیت رۆژێن ده‌ستپێكی ژ ددانا ته‌خمێن ددانی نه‌خۆش پیچه‌كی پێ نه‌ره‌حمه‌ت بیت چونكو تشته‌كێ نوو یه ده‌ڤێ نه‌خۆشی دا هه‌تا فێر دبیت دێ نورمال بیت.
ئاماژه دا وی چه‌ندی ژی كو ئه‌و كه‌سێن ته‌خمێن ددانان بۆ وان هێنه چێكرن رۆژێن ده‌ستپێكی دێ خۆارنێن نه‌رم خۆن وگه‌له‌ك چاڤدێریا ته‌خمێن خۆ ددانی كه‌ن هه‌تا فێر دبن ره‌نگه هه‌تا هه‌یڤه‌كێ ژی ره‌نگه ژ ددانا ته‌خمێ نه‌خۆش نه‌شێت باشی ب ئاخڤت ئه‌ڤه پتر ل سه‌ر نه‌خۆشی دمینت هنده‌ك زوو خۆ فێر دكه‌ن ل ده‌ڤ وان بیته تشته‌كێ نورمال.
