د.ئحسان مه‌نسور: هولیوود سمایل شێوازه نه ماده‌یه و ئه‌م دشێین ب چه‌ند رێَیا بده‌ستخوڤه بینین
ئه‌ڤرۆ، بێوار شوكری:
هولیوود سمایل رامان ئه‌و نینه تو جوره‌كێ ددانی ب خو بكاربینی، دبیت ددانێن مرۆڤی بخو هولیوود سمایل بن ب تنێ ئه‌گه‌ر بهێنه سپیكرن و رێزكرن، هولیوود سمایل شێوازه نه ماده‌یه و ئه‌م دشێین ب چه‌ند رێَیا بده‌ستخوڤه بینن.
د.ئیحسان مه‌نصور، تایبه‌تمه‌ندێ چاره‌سه‌ركرنا ده‌ڤ و ددانا دیاركر ده‌سپێكا ده‌ركه‌فتنا هولیوود سمایل ڤه‌دگه‌ریت بو باژێرێ هولیوود ل وه‌لاتێ ئه‌مریكا ل ده‌سپێكا سالێن نووتا، پشتی پێشكه‌فتنا ته‌كنولوجیایێ و ب تایبه‌ت كامیرا گه‌له‌ك فوكس ل سه‌ر سه‌ر و چاڤان بوو، د دووڤدا گرنگیه‌كا تایبه‌ت ب گرنژینێ هاته دان و رۆژ بو رۆژێ ئه‌و جورێ دبێژنێ هولیوود سمایل ده‌ركه‌فت.
هولیوود سمایل رامان ئه‌و نینه تو جوره‌كێ ددانی بخو بكاربینی دبیت ددانێن مرۆڤی بخو هولیوود سمایل بن بتنێ ئه‌گه‌ر بهێنه سپیكرن و رێزكرن، وگۆت: هولیوود سمایل ژ سێ تشتا پێك دهێت ره‌نگه ددانێن ئێك دبیت ددانێن مرۆڤی بخو ببنه هولیوود سمایل وه‌ك مه‌گوتی، برێكا ڤنیرێ وه‌ك تیڤله‌كی یێ ته‌نك داننه سه‌ر ددانی، و ئه‌ڤه كێمترین زیانا دگه‌هینته ددانی و ئه‌و ددانێن ڤالاهی تێدا هه‌یی پێدڤی ب ره‌نینا ددانی نه‌بیت، سێ هنده‌ك جارا ددان دهێته كراسكرن یان چاندن و پاش دێ هولیوود سمایل بو هێته دروستكرن، پێدڤیه بزانین هولیوود سمایل شێوازه‌كه نه‌ك ماده‌كه و ئه‌م دشێن ب گه‌له‌ك رێیا ب ده‌ستخوڤه بینن مه‌رج نینه ب رێیا ڤنیركرنێ بیت، و گوتژی: ئه‌م هه‌موو دشێین هولیوود سمایل دروستكه‌ین و ئه‌وێن بو نه‌هێته دروستكرن دبیت بو لایه‌نێ ئابووری دزڤریت، چونكو ده‌سپێكێ به‌س بو كه‌سێن به‌رنیاس دهاته دروستكرن ژبه‌ر تێچوویێ وێ و ره‌نگه هه‌موو كه‌سا پێچێ نه‌بیت.
تایبه‌تمه‌ندێ چاره‌سه‌ركرنا ده‌ف و ددانا دیاركر ژی ب شێوه‌كێ گشتی هولیوود سمایل ب دو رونشتنا دهێته دانان، د روونشتنا ئێكێ دا قالب دهێنه وه‌رگرتن و بو ده‌مێ حه‌فتیه‌كێ تا دو حه‌فتیان ل تاقیگه‌هێ دهێنه دروستكرن، د روونشتنا دوێ هولیوود سمایل دهێته دانان، و گوت: ئه‌گه‌ر هولیوود سمایل ب دروستی بهێته چێكرن چ زیان تێدا نینه ب تایبه‌ت ئه‌گه‌ر ددان كێم بهێنه راكرن، به‌لێ هنده‌ك هه‌نه دێ ددانی گه‌له‌ك زه‌عیف كه‌ن ژبه‌ر هولیوودێ دبیت بو ده‌مه‌كێ كورت باش ببیت به‌س پشتی هینگێ دێ زیانێن وێ دیاربن، و گوتژی: هنده‌ك كه‌س هه‌نه نه د ئاماده‌نه بو هولیوود سمایلێ دبیت پشتی ده‌مه‌كێ دی باشتره و هنده‌كا ددانێن وان د ئاماده‌نینن و هه‌تا دهێنه راستكرن ژنوو بو بهێته دروستكرن دا كێمترین زیان بگه‌هیته ددانێن وان، چونكو ده‌مێ ڤنیرێن خو رادكه‌یی پێدڤیه ددانێن ته د ساخله‌م بن به‌س ئه‌گه‌ر ددان زه‌عیف بون دێ بیته ئاریشه.
ل دووماهیێ د.ئێحسان مه‌نسور، تایبه‌تمه‌ندێ چاره‌سه‌ركرنا ده‌ف و ددانا گوت: ده‌مێ ئه‌م هولیوود سمایل دروستدكه‌ین بو هه‌تا هه‌تا دهێته دروستكرن، به‌س ئه‌وبخو كاره‌كێ نه‌گه‌له‌ك كه‌ڤنه ل دونیایێ هه‌میێ و چ ڤه‌كولینێن دوم درێژ ل سه‌ر نه‌هاتینه دروستكرن، له‌و نوكه نه كێمتر ژ 15 سالا ئه‌م ددانین، و گوتژی: ئه‌و كه‌سێ هولیوود سمایل ژی ب دانن هزرنه‌كه‌ن ددانێن خو سپێكرن و خلاس ناشووت، چونكو ددان شووشتن نه بو ددان سپیكرنێ یه بلا سپی بن به‌س شووشتن بو ساخله‌میا ددانا یه ده‌مێ به‌كتریا نه‌مینن.
