د ئێک روژدا دو ناسناڤ دەستڤە ئینان
ئەڤرۆ نیوز، محەمەد عەلی نوری:
کچا پارێزگەھا دھۆکێ و یاریزانا یانا خانزاد کارین کەمال پشتی ناسناڤێ دەولەتی یێ خانزاد بدەستڤەئینایی، ھەر د چوارچووڤێ ھەڤرکیا دا ئەڤرۆ شیا ناسناڤێ دوێ د ئێک رۆژ دا بدەستخوە ڤەبینت و رێزا ئێکێ ل سەر ئاستێ عیراقێ بھێت ژ قارەمانیا عیراقێ و یانا خوە بکەتە قارەمان پشتی ١٠ خال بۆ کومکرین، د یاریێن وان دا ئەوا ل ھەولێرا پایتەخت ب پشکداریا ١٠ یانا ل سەر ئاستێ پلا نایاب ھاتینە ئەنجامدان.
ژلایێ خوە ڤە ھەردو یانێن ئیستالات یا بەغدایی و کاپایلانکا ب ھەشت خال و شەش خالان ل رێزێن دوێ و سیێ ھاتن.
لدور ڤێ یەکێ کارین کەمال خودانا ماستەرا جیھانی داخویانیەکێدا بۆ ئەڤرۆ نیۆز دیارکر کو گەلەک کەیفخووشە شیایە بزڤریتە ناسناڤا پشتی ڤەقەتیانێ و جھێ خوە دناڤ رێزێن ھەلبژارتیێ عیراقێ پارێزیت و گۆت: وەکو کچەکا کورد و پارێزگەھێ شانازیێ پێدکەم یا ئێکێ بم.
ھەروەسا ناڤھاتی گۆت: یا گرنگ زڤراندنا ناسناڤی بوو و دیسا زێدەکرنا ژمارا خالێن خوە د لیستا جیھانی دا،ئەڤ پێنگاڤە دێ پالدەرێ سەرەکی بیت کو ھیڤی و ئۆمێدن خوە یێن جیھانی گەشتر لێبکەم.
