د ئێک رۆژ دا نێزیکی ٢٠٠ پیکەمێن دارا ھاتنە ڤەگرتن
شێلادزێ، ئەسعەد رێکانی
پشتی ھاتنا رێژەکا زور یا باران بارینێ و بلندبوونا ئاستێ ئاڤا رووبارێ شین و زیێ مەزن و زێدەباری مەترسیا ئاڤا رووباری وەلاتیێن کومەلگەھا سیریێ یا سەر ب ناحیا شێلادزێ ڤە ل چارشەمبیا دەربازبووی ھژمارەکا زور یا دارا د ناڤا رووبارێ شین دا ڤەگرتن.
لەزگین کەمال سیتەی ھاوولاتیەکێ کومەلگەھا سیریێ یە دیار کر، سالانە دەمێ ئاڤا رووباری بلند بیت ئەو قەستا روباری دکەن بوڤەگرتنا دارا بو ئەڤرو گوت :گەلەک سالا ئاڤا رووبارێ شین زێدەدبیت و بەلێ ئەڤ سالە پتر ھەموو سالا ئاڤ زۆر بلند بوو و گەلەک داروبار دگەل خوە ئینان و ئەم ژی وەک ھەر سال دچین ڤان دارا ڤەدگرین و ھەر خێزانەک ژی کا چەند کەس د مالێ دانە دھێنە سەر دەراڤێ رووباری ھاریکاریا ئێک و دوو دکەن بۆ کومکرنا دارا و ھندەک مال ھەبون ھەتا ٢٥ پیکەمێن دار کومکری و ئەم ژی چوار کەس بووین مە نێزیکی ھەشت پیکەمێن دارا ژ ئاڤێ خرڤەکرن و ل وەرزێ زڤستانێ ئەم مفای ژڤان دارا وەردگرین بۆ سۆتن و خوگەرمکرنێ و ھەروەسا دەمێ ئاڤ بلند بیت خەلکەکێ زور قەستا سەر رووباری دکەن بۆ خوشیا دەم بوراندنێ و دیتنا دیمەنێن جوان یێن رووباری.
گۆت ژی: ڤەگرتنا دارا دروباری دا کارەکێ ب ب زەحمەتە وێرەکی و شارەزای پێدڤێت جونکی ئاڤ یا بھێزە و زور جارا دارێن مەزن دھێن دبیتە مەترسی ل سەر ژیانا مروڤی، بۆ ڤی کاری ئەم دارێن سپیندارێ یێن درێژ ئامادەدکەین وجەلاکەکێ ئاسنی یێ دوو سەر پێڤە گرێدەین وەسا دارا ژ ئاڤێ دەردێخین وئەو دەراڤێ ئەم لێ باراپتر وەلاتیێن گوندێ سیتە بوون پتر سەد پیکەمێن دارا کومکربوون و ھەروەسا خەلکێ گوندێن دی ژی ھاتبوون ھەر ژ ناڤبەرا ھەردوو رویبارا ھەتا دگەھتە کوچکا و خەلکی دار کومدکرن و نێزیکی ٢٠٠ پیکەمێن دارا ھەبوون کوم ڤەگرتین.
