د بەرسڤا نڤیسارەكا سەرۆكێ حوكمەتا هەرێمێ دا: هەژمارا من یا قانوونییە
دادگەها بلند یا فیدرالی ل ئیراقێ د بەرسڤا نڤیسارەكا مەسرور بارزانی، سەرۆكێ حوكمەتا هەرێما كوردستانێ، رازیبوون ل سەر پڕۆسەیا ب بانككرنا موچەیێن فەرمانبەرێن هەرێما كوردستانێ ل بانكێن (هەژمارا من) دا.
جاسم محەمەد عەبود، سەرۆكێ دادگەها بلند یا فیدرالی ل ئیراقێ د نڤیسارەكێدا كو ل رۆژا 1/7/2024 ئاراستەی مەسرور بارزانی، سەرۆكێ حوكمەتا هەرێما كوردستانێ كری، تێدا ئاماژە كر پڕۆسەیا ب بانككرنێ هەموو بانكێن حكومی و هەموو ئەوان بانكان ڤەدگریت كو ژ ئالیێ بانكا ناڤەندی ڤە رازیبوون ل سەر هاتییە كرن.
د نڤیسارا دادگەها بلند یا فیدرالیدا، ئاماژە ب لیستەكا هەڤپێچ یا بانكا ناڤەندی هاتییە كرن كو ناڤێن 66 بانكان تێدایە كو ل ئیراقێ و هەرێما كوردستانێ كاردكەن، ژ وان ژی ئەو بانكێن د پڕۆسەیا (هەژمارا من) دا د پشكدارن.
